Bjarni Benediktsson, fjármála- og efnahagsráðherra, mun skipa nýjan sérfræðingahóp á næstunni til að endurskoða verðtrygginguna. Þetta verður þriðji hópurinn af þessum toga sem stjórnvöld setja á fót á þeim tæplega 10 árum sem liðin eru frá bankahruninu. Engar breytingar hafa þó orðið á fyrirkomulagi verðtryggingar.

Töluverð óánægja ríkti í samfélaginu í kjölfar hruns þegar höfuðstóll verðtryggðra lána rauk upp vegna verðbólguskots. Fjöldi húsnæðislána hækkaði umfram verðmæti fasteigna og voru kynntar ýmsar leiðir til að koma til móts við skuldsetta. Fyrir kosningar 2013 lofuðu Sigmundur Davíð Gunnlaugsson og Framsóknarflokkurinn „leiðréttingu“ verðtryggðra húsnæðislána, sem kom til framkvæmda 2014 og gekk að mestu til tekju- og eignameiri heimila. Tillaga um afnám verðtryggingar nýrra lána, sem unnin var samhliða leiðréttingunni, kom aldrei til framkvæmda. „Þetta er ekki flókið en það virðast ekki vera nein takmörk fyrir því hvað reynt er að snúa út úr hlutunum,“ sagði Sigmundur Davíð um afnám verðtryggingar vorið 2013, fyrir …