Skrifar bækur fyrir fólk sem börn geta líka lesið

Margir fylgd­ust með beinni útsend­ingu frá afhend­ingu Sögu­verð­laun­anna á RÚV í síð­ustu viku, nokk­urs konar upp­skeru­há­tíð þeirra sem starfa að barna­bók­menntum, læsi barna og barna­menn­ingu. Þar voru Guðrúnu Helga­dóttur rit­höf­undi veitt æðstu verð­launin – sögu­stein­inn sem veitt eru þeim sem hefur með höf­und­ar­verki sínu lagt hvað mest af mörkum til að auðga og efla íslenska barna­menn­ingu. Það var Guðni Th. Jóhann­es­son, for­seti Íslands, sem afhenti Guðrúnu við­ur­kenn­ing­una eftir að börnin Birta Hall og Ingvar Wu höfðu tekið við hana ítar­legt við­tal sem ábyggi­lega fékk flesta sem á horfðu til að brosa breitt. Guðni var ekki spar á stóru orðin og sagði meðal ann­ars að Guðrún væri „okkar Astrid Lindgren og Tove Jansson“. Hvernig ætli henni hafi liðið, að sitja undir þessum gull­hömrum? „For­set­inn var afskap­lega þægi­legur þarna, þetta var fal­lega sagt og ég tek auð­vitað mikið mark á því sem hann segir,“ segir Guðrún. Hún hefur tekið vel á móti …