Trans aktí­vist­arnir Sæborg Ninja Guð­munds­dóttir og Alda Villi­ljós sögðu hlæj­andi frá því að þau höt­uðu karl­menn í hlað­varps­þætt­inum Hvað er svona merki­legt, í des­em­ber síð­ast­liðnum. Í kynn­ingu þátt­ar­ins sagði Alda, sem er for­maður rétt­inda­sam­tak­anna Trans-Ísland, það vera „fárán­lega hug­mynd“ að femínistar vildu útrýma karl­mönnum.

Þátt­ur­inn vakti litla athygli, en í dag birt­ist hins vegar frétt á DV.is með fyr­ir­sögn­inni: „Alda og Sæborg segja karl­menn eiga skilið að deyja: „Lítum frekar á þá eins og kakka­lakka““. Undir frétt­inni er skorað á þau að svipta sig lífi, þau kölluð „fígúrur“ og „trukkalessur“ og and­lega veikar. Þá segir einn les­and­inn að Alda sé „glæsi­legt kvik­indi“ með yfir­var­ar­skegg.

Í frétt DV, sem er sú mest lesna í dag, er ekki rætt við Sæborgu Ninju eða Öldu Villi­ljós, en í sam­tali við Stundina segj­ast þau sár og leið vegna máls­ins.

Haft er eftir Sæborgu úr hlað­varp­inu frá því í des­em­ber á DV.is: „Við hötum karl­menn lík­lega meira en þú heldur,“ segir Sæborg við hlust­endur. „Þú van­metur það hatur sem við höfum. Þú heldur kannski að ég vilji skjóta þig í hagla­byssu í and­litið, en það er ekki rétt, ég vil binda þig upp í litlu orku­veit­unni niðri í Elliða­ár­dal og láta þig síga ofan í sýru­bað, tærnar fyrst, ann­ars deyrðu um leið og sýran fer í heil­ann þinn. Ó nei, þú ert ekki nógu góður fyrir það“.

Ekki sagt frá kynningu

Frétt DV.isFréttin var sú mest lesna á vef DV í dag, sem er sá þriðji vin­sæl­asti á land­inu.

Mynd: Jón Trausti Reyn­is­son

Ekki er tekið fram í frétt­inni að bæði Sæborg og Alda hlæja þegar ummælin eru látin falla, enda segj­ast þau hafa látið þau út úr sér í kald­hæðni til að vekja fólk til umhugs­unar. Ekki er heldur tekið fram, í frétt­inni sem segir efn­is­lega að þau hati karl­menn og vilji þá almennt feiga, að orðin komu fram í hlað­varpi undir for­merkjum þess að þar ætti að taka umræðu út frá þeim for­dómum gegn femínistum að þeir hati karl­menn. 

Í upp­hafi hlað­varps­þátt­ar­ins sem DV vitnar til kynnir Alda Villi­ljós þá fyr­ir­ætlun þátt­ar­stjórn­enda að „hlaupa með“ for­dóma­fulla og „fárán­lega“ hug­mynd um að femínistar hati karl­menn:  „Já, eins og Sæborg er búin að segja, þetta kom svona upp frá femínískum hug­myndum um mæðra­veldið, og þessi hug­mynd sko, að femín­ismi snú­ist um það að við viljum útrýma öllum karl­mönnum, sem er svo fárán­leg hug­mynd, þannig að við erum bara svona að taka þá hug­mynd og bara hlaupa með hana.“

Ekki er greint frá þess­ari kynn­ingu í frétt DV.

Í þætt­inum ræða þau kerf­is­lægt mis­rétti sem felst í sam­fé­lag­inu, og getur verið ill­grein­an­legt og und­ir­liggj­andi í gild­is­mati fólks.

Hlusta má á þátt­inn í fullu sam­hengi hér.

„Augljós kaldhæðni“

„Ég hélt ekki að það sem ég hélt að væri aug­ljós kald­hæðni yrði tekið alvar­lega,“ segir Sæborg Stund­inni. „Leið líka, þar sem þetta setur annað fólk í lélega stöðu, fólk sem er að gera mik­il­væga vinnu af heil­indum. Sár þar sem hin nafn­lausa rit­stjórn gerði ekki einu sinni til­raun til að hafa sam­band.“

Alda bætir við: „Já, við höfum sagt í djóki að við og femínistar almennt vilji í raun taka yfir heim­inn, útrýma karl­kyn­inu eins og það leggur sig, halda nokkrum karl­mönnum eftir sem „breeding machines“ og þrælum, og svo fram­vegis. Þessi frétt er rosa mikið að koma höggi á femínista sem þora að tala og taka pláss.“

Hlaðvarpið andsvar við karlhatri femínista

Þau segja að „Hvað er svona merki­legt við það“ sé byggt á hlað­varp­inu „Misandry with Marcia and Rae“. „Pointið með þessu er að taka þessa fárán­legu hug­mynd og láta eins og okkur sé alvara með það,“ segir Alda. „Ég get lofað því að það eru ekki til femínistar sem hugsa svona í alvör­unni—ann­að­hvort er það þá djók eins og hjá okkur eða þeim hefur verið komið fyrir af antí-femínistum. Það er eins og þessi frétt sé unnin beint upp úr Lord Pepe mynd­band­inu.“

Í gær birti íslenski mynd­bands­blogg­ar­inn Lord Pepe mynd­bandið „Non-Binary Lunacy“ þar sem hann klippti til ummæli Öldu og Sæborgar í sundur úr hlað­varpi þeirra. Lord Pepe seg­ist sjálfur vera þjóð­ern­is­sinn­aður og sam­sama sig við hægri væng stjórn­mála.

„Hlað­varpið fædd­ist sem and­svar við orð­ræð­unni um að femínistir hati karla og vilji bara taka af þeim rétt­indi,“ segir Sæborg. „Við vildum líka snerta á ein­hverjum flötum mann­rétt­inda­bar­áttu, svo sem valda­jafn­vægi og fjöl­þættri jað­ar­setn­ingu.“