Þessi grein birtist upphaflega í Stundinni fyrir meira en 7 árum.

Isavia þarf að afhenda Aðalheiði yfirstrikaðar upplýsingar: „Svo mér endist ævin til að reka þetta mál“

Átt­undi úr­skurð­ur­inn í máli Kaffitárs gegn Isa­via er fall­inn og þarf rík­is­fyr­ir­tæk­ið að af­henda gögn um út­boð­ið á versl­un­ar­rými í Leifs­stöð sem fram fór ár­ið 2014.

Isavia þarf að afhenda Aðalheiði yfirstrikaðar upplýsingar: „Svo mér endist ævin til að reka þetta mál“
Hættir ekki Aðalheiður Héðinsdóttir ætlar ekki að gefa eftir í málarekstri sínum gegnum Isavia. Mynd: ODD STEFAN

 

„Það kemur bara enn og aftur fram að við eigum að fá afhent gögn frá Isavia sem við höfum ekki ennþá fengið. Isavia strikaði yfir upplýsingar í gögnum sem við fengum og við vildum fá þessi gögn óyfirstrikuð,“ segir Aðalheiður Héðinsdóttir, eigandi og framkvæmdastjóri Kaffitárs, aðspurð um úrskurð sem úrskurðarnefnd um upplýsingamál kvað upp fyrr í mánuðinum í deilu fyrirtækisins við ríkisfyrirtækið Isavia.  

Tengslin við KSEitt af því sem vakið hefur mikla athygli í Leifsstöðvarmálinu er að fyrirtæki tengt Kaupfélagi Skagfirðinga og Sigurjóni Rúnari Rafnssyni, aðstoðarforstjóra þess, var valið fram yfir Kaffitár.

Kaffitár hefur átt í áralöngu stappi við Isavia um veitingu upplýsinga um útboð á verlsunarrými í Leifsstöð sem fram fór árið 2014. Í útboðinu fékk Kaffitár ekki að leigja áfram verslunarrými í Leifsstöð og var fyrirtækið Lagardére Travel Retail ehf., sem er í eigu fransks flugvallarfyrirtækis og íslenskra aðila sem meðal annars tengjast Kaupfélagi Skagfirðinga.

Aðalheiður segir hins vegar að Isavia hafi sótt um frestun réttaráhrifa vegna úrskurðarins en þetta þýðir að ríkisfyrirtækið mun ekki þurfa að veita Kaffitári aðgang að gögnunum strax. „Isavia hefur farið fram á frestun réttaráhrifa, alveg eins og þeir hafa gert áður. Þetta er áttundi úrskurðurinn sem kemur og alltaf er þetta okkur í vil,“ segir Aðalheiður. 

Í úrskurðinum er fallist á að Kaffitár eigi að fá hluta af gögnunum um útboðið óyfirstrikuð en að hluta er fallist á Isavia þurfi ekki að veita fyrirtækinu aðgang að öllum gögnunum í málinu. 

„Við viljum bara að þetta ríkisfyrirtæki
fari að lögum eins og aðrir“

Aðalheiður segir aðspurð að hún ætli ekki að hætta málarekstrinum gegn Isavia þrátt fyrir að málið hafi dregist nokkuð á langinn. „Ég borða bara góðan og hollan mat og er í ræktinni og sef vel svo að mér endist ævin til að reka þetta mál. Það er bara þannig. Við viljum bara að þetta ríkisfyrirtæki fari að lögum eins og aðrir. Ef það reynist rétt að svo hafi verið, með engum útstrikunum, þá er það bara þannig og við fáum að sjá það,“ segir Aðalheiður og bætir því við hún telji að taktík Isavia í málinu sé að reyna að þæfa það og flækja eins mikið og mögulegt sé til að þreyta Kaffitár í rekstri málsins. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Isavia

Mest lesið

Auknar líkur á hruni áhrifamikils hafstraums í Atlantshafi
6
Fréttir

Aukn­ar lík­ur á hruni áhrifa­mik­ils haf­straums í Atlants­hafi

Hrun velti­hringrás­ar Atlants­hafs­ins, AMOC-haf­straums­ins, telst ekki leng­ur „ólík­leg­ur at­burð­ur“. Þetta kem­ur fram í nýrri rann­sókn. Stef­an Rahm­storf haf- og lofts­lags­sér­fræð­ing­ur og einn rann­sak­anda seg­ir nið­ur­stöð­urn­ar „slá­andi.“ Í sam­tali við Heim­ild­ina í fyrra sagði Rahm­storf að nið­ur­brot AMOC yrði „kat­ast­rófa fyr­ir Ís­land og önn­ur Norð­ur­lönd“ og hvatti ís­lensk stjórn­völd til að­gerða.

Mest lesið

Mest lesið í vikunni

„Ég er mjög stolt af því að hafa tekið þennan slag“
1
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

„Ég er mjög stolt af því að hafa tekið þennan slag“
6
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár