Þessi grein birtist upphaflega í Stundinni fyrir meira en 10 árum.

Stjórnendur Isavia kallaðir fyrir þingnefnd

Fram­kvæmd­ar­stjórn op­in­bera hluta­fé­lags­ins Isa­via verð­ur köll­uð fyr­ir Al­þingi. Starfs­menn eru ósátt­ir. Fram­kvæmd­ar­stjóri fékk til­tal.

Stjórnendur Isavia kallaðir fyrir þingnefnd
Svarar fyrir sig Hlynur Sigurðsson, framkvæmdastjóri Isavia, hefur fengið tiltal fyrir að þiggja boðsferð frá Icelandair á knattspyrnuleik.

Opinbera hlutafélagið Isavia hefur síðastliðin misseri komist ítrekað í fjölmiðla og eru aðstæður komnar á það stig að æðstu stjórnendur félagsins verða boðaðir fyrir umhverfis- og samgöngunefnd Alþingis eftir páska til að skýra mál sitt. Kraumandi óánægja er meðal starfsmanna félagsins vegna framkvæmdastjóra en flestir þeirra ríflega 800 starfsmanna búa á Suðurnesjum þar sem vinna er ekki á hverju strái. Könnun sem gerð var á síðasta ári sýndi að um 90 prósent starfsmanna væru óánægðir í starfi. Stundin greindi frá því á dögunum að Hlynur Sigurðsson, framkvæmdastjóri Flugstöðvar Leifs Eiríkssonar, þáði boðsferð Icelandair í skemmtiferð til Noregs árið 2012, en hann borgaði fyrir ferðina eftir fréttaflutning. Sömuleiðis greindi Kastljós nýverið frá því að eiginkona forstjóra Isavia hefði farið í ferðir með eiginmanni sínum í boði skattgreiðenda.
Að sögn starfsmanns Isavia sem Stundin hefur rætt við er mikil reiði vegna hinar svokölluðu 67 ára reglu sem þýðir að allir starfsmenn skuli taka saman föggur sínar á 67 ára afmælisdegi sínum. Þetta á við alla, nema undantekningarnar. Þrír yfirmenn á öryggissviði voru nýverið reknir stuttu áður en fyrrnefndur Hlynur sagði á fundi að Isavia þyrfti á „ungum og gröðum“ mönnum að halda.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Isavia

Mest lesið

Mest lesið

Mest lesið í vikunni

Mest lesið í mánuðinum

Brotthvarf að meðaltali hærra úr íslenskum háskólum en í OECD-ríkjum
4
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.

Mest lesið í mánuðinum

Nýtt efni

Mest lesið undanfarið ár