Ótrúlega sterkt matarminni

„Ég hef alltaf getað borðað allan mat og var aldrei mat­vönd sem krakki,“ segir Arna Kristín Ein­ars­dóttir, fram­kvæmda­stjóri Sin­fón­íu­hljóm­sveitar Íslands. „Ég myndi samt ekki segja að ég væri sér­stakur „gúr­met“-kokkur og er ekki mjög upp­tekin af mat. Ég borða meira til að lifa frekar en að lifa til að borða, ef svo má segja. Þrátt fyrir það hef ég ótrú­lega sterkt mat­ar­minni. Ég get rifjað upp heilu ferða­lögin dag fyrir dag bara út frá því hvað ég borð­aði. Þannig er mér mjög minn­is­stætt ferða­lag sem ég fór í með mömmu og pabba til Frakk­lands þegar ég var 11 ára. Þar varð ég fyrir stór­kost­legum mat­ar­upp­lif­unum sem bragð­lauk­arnir muna enn, eins og þegar ég smakk­aði kirsu­ber fyrst og gat ekki hætt að borða þau. Í þeirri ferð pant­aði ég yfir­leitt það sama og mamma og pabbi fengu sér nema í eitt skipti. Það var í St. Tropez. Þá fengu þau sér …