Hildur Björnsdóttir, borgarstjóri Reykjavíkur, hefur ráðið Söndru Hlíf Ocares, fyrrverandi varaborgarfulltrúa Sjálfstæðisflokksins, tímabundið sem verkefnastjóra á skrifstofu borgarstjóra.
Í svari borgarritara til Heimildarinnar segir að Sandra hafi hafið störf 1. júlí en í starfi hennar felst undirbúningur, samhæfing og eftirfylgd stefnumótandi verkefna á vegum skrifstofunnar. Þá kemur fram að starfið hafi ekki verið auglýst þar sem um tímabundna ráðningu væri að ræða. Ekki er verið að bæta við stöðugildi á skrifstofunni.
Sandra er lögfræðingur að mennt en hún hefur gegnt hlutverki varaborgarfulltrúa Sjálfstæðisflokksins og tók við trúnaðarstörfum Helga Áss Grétarssonar sem fyrsti varaborgarfulltrúi flokksins þegar hann sagði sig úr Sjálfstæðisflokknum í byrjun árs. Sandra hefur gegnt hlutverki varafulltrúa í stjórn Félagsbústaða, var áður verkefnastjóri hjá Íslenska byggingavettvangnum og hefur setið í stjórn kærunefndar útlendingamála.
Hópuppsagnir í borginni
Umfangsmiklar breytingar hafa orðið í sumar eftir að ný borgarstjórn tók við …
Athugasemdir