„Þegar ég sá fyrst mynd af þessu skipi á netinu velti ég fyrir mér hvort það væri gervigreind,“ skrifaði Sigmundur Davíð Gunnlaugsson, formaður Miðflokksins, í færslum á samfélagsmiðlunum Facebook og X á sunnudag sem hafa síðan fengið hundruð „like“-viðbragða. „En þarna er skipið, mætt í Reykjavíkurhöfn að kíkja í pakkann.“
Með færslunni fylgdu myndir af skipinu Ocean Protector, merktu „EU fishery inspection“ og merki Evrópusambandsins.
Myndir af skipinu hafa farið í dreifingu víðar á samfélagsmiðlum með aðdróttunum um að vera þess á Íslandi hafi eitthvað með mögulega aðildarumsókn Íslands að ESB að gera.
Samkvæmt upplýsingum frá Fiskistofu er það vel þekkt að skip eins og Ocean Protector, sem er skráð í Portúgal en er á vegum EFCA, Fiskveiðieftirlitsstofnunar ESB, komi við á Íslandi. Skipið er eitt af þeim sem sinna eftirliti á norrænum hafsvæðum sem alþjóðlegir samningar gilda um en fyrir stoppinu geta verið margar ástæður, til dæmis að taka …
Athugasemdir (7)