Dóra Björt ráðin deildarstjóri hjá Rauða krossinum

Dóra Björt Guð­jóns­dóttir hefur verið ráðin deild­ar­stjóri höf­uð­borg­ar­deildar Rauða kross­ins og mun hefja störf þann 1. sept­em­ber næst­kom­andi. Þetta kemur fram í til­kynn­ingu á vef Rauða kross­ins.

Dóra Björt var borg­ar­full­trúi Pírata í 8 ár en skipti yfir í Sam­fylk­ing­una undir lok kjör­tíma­bils­ins. Hún náði ekki þeim árangri í próf­kjöri Sam­fylk­ing­ar­innar sem hún sótt­ist eftir og tók ekki sæti á lista flokks­ins fyrir borg­ar­stjórn­ar­kosn­ingar í vor. Hún er 38 ára og með BA-gráður í bæði heim­speki og alþjóða­fræðum frá Ósló­ar­há­skóla og diplómu á meist­ara­stigi í alþjóða­sam­skiptum frá Háskóla Íslands.

Höf­uð­borg­ar­deild Rauða kross­ins er stærsta deild félags­ins með 35 starfs­menn og um 600 sjálf­boða­liða.

„Undir deild­ina heyra skaða­minnk­un­ar­verk­efnin Ylja og Frú Ragn­heiður, verk­efni tengd félags­legum stuðn­ingi við flótta­fólk sem og við fólk sem er að afplána fang­els­is­dóma eða hefur nýlokið þeim,“ að því segir í til­kynn­ing­unni. „Þá heldur deildin úti marg­vís­legum félags­legum verk­efnum, svoköll­uðum vina­verk­efnum, sem miða að …