„Mín tilfinning er að það hafi verið svipað mynstur og árið 2024 í þingkosningunum,“ segir Birgir Guðmundsson, fjölmiðlafræðingur og dósent við fjölmiðlafræði Háskólans á Akureyri, spurður hvernig fjölmiðlaumfjöllun hafi verið fyrir sveitarstjórnarkosningar. Hann bíður nú eftir niðurstöðum viðhorfskönnunar stjórnmálafólks um fjölmiðla fyrir kosningarnar, en segir ýmislegt hafa verið með svipuðu móti fyrir alþingiskosningarnar 2024.

Ekkert nýtt að Morgunblaðið afhjúpi sig

„Það er ekkert nýtt með Morgunblaðið, það afhjúpar sig alltaf fyrir kosningar og það hefur verið talað um það frá síðustu öld,“ segir Birgir en Morgunblaðið hefur ítrekað verið gagnrýnt fyrir að draga taum Sjálfstæðisflokksins.

Fyrir því eru ákveðnar ástæður. Andrés Magnússon, blaðamaður Morgunblaðsins, hefur aldrei falið sínar persónulegu skoðanir ekki frekar en Stefán Einar Stefánsson, sem lengi var virkur í starfi Sjálfstæðisflokks. Fram hefur komið í fjölmiðlum að hann hafi haft kosningarétt á síðasta landsfundi flokksins og sjálfur útilokaði hann ekki að bjóða sig fram til formanns hans í …