Karlmaður á fertugsaldri lést í vinnuslysi í Korngörðum í Reykjavík í morgun þegar sprening varð í húsnæði Fóðurblöndunnar. Þetta kemur fram í tilkynningu lögreglunnar.

Tveir aðrir voru fluttir á slysadeild og er annar þeirra alvarlega slasaður. Sprengingin varð í morgun og var allt tiltækt viðbragðslið kalla út. 

Í tilkynningu sem Fóðurblandan sendi frá sér fyrr í dag kom fram að talið sé að ryksprenging hafi orðið í tómum fóðurtanki. Þrír tankar af 45 voru tómir vegna fyrirhugaðs viðhalds. 

Ryksprenging verður þegar kviknar í fínu ryki þegar svífur í lofti. Það veldur mjög hraðri brennslu og þrýstingi svo sprenging verði. Þekkt er að slík sprenging geti átt sér stað í fóðurtönkum og mjölverksmiðjum.