Nefnd Sameinuðu þjóðanna um gervigreind mun vinna að „vísindalega grundvallaðri stjórnsýslu“, sagði yfirmaður alþjóðastofnunarinnar í dag þegar leiðtogar á leiðtogafundi í Nýju Delí íhuguðu boðskap sinn um framtíð þessarar ört vaxandi tækni.

Sendinefnd Bandaríkjanna hafnaði hins vegar „algerlega“ miðstýrðri stjórn á sviði skapandi gervigreindar og benti á erfiðleikana við að ná samstöðu um hvernig ætti að meðhöndla hana.

Hin hliðin á gullæðinu í kringum gervigreind er fjöldi vandamála, allt frá raski á vinnumarkaði til falsupplýsinga, aukins eftirlits, netofbeldis og mikillar rafmagnsnotkunar gagnavera, fyrir utan sjálfstýrðan hernað.

Vilja miðstýrða staðreyndaöflun

„Við stefnum óðfluga út í óvissuna,“ sagði Antonio Guterres, framkvæmdastjóri Sameinuðu þjóðanna, á AI Impact Summit í Nýju Delí. „Skilaboðin eru einföld: minna fár, minni ótti. Fleiri staðreyndir og sönnunargögn.“

Til að ljúka fimm daga leiðtogafundinum er búist við að tugir þjóðarleiðtoga og ráðherra komi með sameiginlega sýn í dag um kosti gervigreindar, svo sem hraðari þýðingu og lyfjaþróun, en …