Ari Edwald leiðir Miðflokkinn í Reykjavík

Ari Edwald leiðir lista Mið­flokks­ins fyrir kom­andi borg­ar­stjórn­ar­kosn­ingar. Þetta kemur fram í til­kynn­ingu sem hann sendi frá sér á Facebook. Þar seg­ist hann hafa tekið áskorun upp­still­ing­ar­nefndar flokks­ins og telji reynslu sína úr atvinnu­lífi, félaga­sam­tökum og stjórn­málum nýt­ast vel í verk­efnum borg­ar­innar.

Ari, sem lengi hefur verið kenndur við Sjálf­stæð­is­flokk­inn, segir póli­tískar áherslur sínar ekki hafa breyst en að hann finni nú mestan sam­hljóm með Mið­flokknum og treysti honum best til að hrinda sínum hug­myndum í fram­kvæmd.

Ari var um tíma aðstoð­ar­maður Þor­steins Páls­sonar, fyrr­ver­andi ráð­herra og for­manns Sjálf­stæð­is­flokks. Þor­steinn hefur líka yfir­gefið Sjálf­stæð­is­flokk­inn en hann gekk til liðs við Viðreisn. 

Ari seg­ist hafa sterkar skoð­anir á borg­ar­málum og nefnir sér­stak­lega skipu­lags­mál, rekstur grunn­þjón­ustu og sam­göngur. Hann gagn­rýnir það sem hann kallar „ofur­þétt­ing­ar­stefnu“ og áform um Borg­ar­línu og telur að borg­ar­búar hafi ekki verið nægi­lega hafðir með í ráðum.

Í til­kynn­ing­unni segir Ari leik­skóla­kerfið …