Erlent

Trump virðist taka yfir Grænland og Kanada á samfélagsmiðlamyndum

Don­ald Trump birti mynd­ir sem gefa til kynna banda­ríska ásælni í Græn­land og Kan­ada. Í færslu á Truth Social lýs­ir hann land­inu lyk­il­at­riði í heims­ör­yggi og seg­ir ekki verða snú­ið til baka og birt­ir sam­hliða sam­skipti við leið­toga NATO og for­seta Frakk­lands..

Trump virðist taka yfir Grænland og Kanada á samfélagsmiðlamyndum
Bandarískt yfirráðasvæði Myndina birti Trump á eigin samfélagsmiðli. Á henni sést hann með varaforseta sínum JD Vance og utanríkisráðherranum Marko Rubio stinga niður fána á Grænlandi, við hlið skiltist sem á stendur „Grænland - bandarískt yfirráðasvæði stofnað 2026“. Mynd: Trump
Birtist fyrir 7 mánuðum.

Donald Trump Bandaríkjaforseti birti í morgun færslu á samfélagsmiðlinum Truth Social þar sem hann virðist stinga niður fána Bandaríkjanna á Grænlandi. Á annarri mynd, sem hann birti um svipað leyti, sést hann lesa yfir evrópskum leiðtogum á skrifstofu sinni fyrir framan kort sem gefur til kynna að Kanada tilheyri Bandaríkjunum.

Í færslu á Truth Social segir hann Grænland vera „óumflýjanlegt fyrir þjóðar- og heimsöryggi“. Trump segist hafa átt „mjög gott símtal“ við Mark Rutte, framkvæmdastjóra Atlantshafsbandalagsins, NATO, þar sem Grænland hafi verið til umræðu. Hann segist hafa samþykkt að funda með ýmsum í Davos í Sviss og ítrekar að ekki verði „snúið til baka“ í Grænlandsmálinu.

Bandaríski fáninnÁ myndinni sem Trump deildi á samfélagsmiðlinum Truth Social sést hann messa yfir evrópskum leiðtogum fyrir framan kort af Ameríku, þar sem Kanada er sveipað bandarískum fána.
Mynd: Donald Trump

„Grænland er óumflýjanlegt fyrir þjóðar- og heimsöryggi,“ skrifar Trump og bætir við að Bandaríkin séu „eina valdið“ sem geti tryggt frið í heiminum, meðal annars vegna uppbyggingar bandaríska hersins á fyrra kjörtímabili hans, sem hann segir halda áfram með auknum hraða.

Á myndinni sem Trump birtir sést hann standa á grófu, norðlægu landslagi með bandaríska fánann á lofti. Við hlið hans er skilti þar sem stendur „Greenland – US Territory – Est. 2026“. Framsetning Trumps gengur jafnvel enn lengra en áður hefur sést í umræðu um Grænland og ásælni Bandaríkjaforseta í landið.

Trump lauk færslu sinni með því að segja að friður í heiminum yrði tryggður „með styrk“.

Forsetinn birti líka samskipti sín við bæði Mark Rutte, framkvæmdastjóra NATO, og Emmanuel Macron, forseta Frakklands. „Við erum algjörlega sammála um Sýrland. Við getum gert frábæra hluti gagnvart Íran. Ég skil ekki hvað þú ert að gera varðandi Grænland,“ skrifar Macron í textaskilaboðum til Trumps.

Sá franski býðst svo til að setja upp fund með G7-ríkjunum í Davos í París á fimmtudag, þangað sem hann getur boðið bæði Úkraínumönnum, Dönum, Sýrlendingum og Rússum. Svo vill hann líka bjóða Trump í kvöldmat.

Kjósa
3
Hvernig finnst þér þessi grein? Skráðu þig inn til að kjósa.

Athugasemdir (4)

Skráðu þig inn til að skrifa athugasemd eða kjósa.
  • PB
    Peik Bjarnason skrifaði
    30. janúar 2026 21:50
    Allt sem Trump segir og gerir er til þess ætlað að heilla kjósendur hans í Bandaríkjunum. Hann er að undirbúa jarðvegin fyrir kosningu til forseta annað kjörtímabil og þá þarf hann að hafa sem flesta Bandaríkjamenn með sér í liði. Til vara mun hann nota sömu aðferð og Pútín notaði að láta kjósa lepp til valda á meðan stjórnrskránni er breitt svo hann sjálfur geti boðið sig fram.
    Taktíkin hans er að skapa glundroða og síðan leysa úr glundroðanum og hæla svo sjálfum sér fyrir það þannig að kjósendur hans taki eftir því og heillist enn meira af honum.
    0
  • BJ
    Benedikt Jónsson skrifaði
    20. janúar 2026 14:05
    Maðurinn sem vill ólmur fá friðarverðlaun er mesta ógn við frið í heiminum í dag.
    1
  • Jón M Ívarsson skrifaði
    20. janúar 2026 11:11
    Trump er að verða hættulegri heimsfriðnum en Pútín.
    3
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Getur Ísland staðið við alþjóðlegar skuldbindingar um náttúruvernd utan Evrópusambandsins?
6
Skýring

Get­ur Ís­land stað­ið við al­þjóð­leg­ar skuld­bind­ing­ar um nátt­úru­vernd ut­an Evr­ópu­sam­bands­ins?

Svo virð­ist sem Ís­land sæk­ist eft­ir því að ger­ast að­ili að al­þjóð­leg­um samn­ing­um en leiti síð­ur eft­ir því að inn­leiða regl­urn­ar eða upp­fylla skuld­bind­ing­ar sín­ar. Rætt við líf­fræð­ing­inn Trausta Bald­urs­son og Að­al­heiði Jó­hanns­dótt­ur, pró­fess­or í um­hverf­is­rétti.

Mest lesið

Mest lesið í vikunni

Lífið á Spáni fyrir og eftir Evrópusambandið
2
ViðtalHorft til Evrópu

Líf­ið á Spáni fyr­ir og eft­ir Evr­ópu­sam­band­ið

Fjór­um ár­um áð­ur en Spánn gekk í Evr­ópu­sam­band­ið flutti Hólm­fríð­ur Matth­ías­dótt­ir, út­gáfu­stjóri For­lags­ins, til Barcelona. Hún hef­ur upp­lif­að mikl­ar breyt­ing­ar þar og seg­ir Evr­ópu­sam­band­ið hafa dælt styrkj­um til Spán­ar og það til ým­issa mála, eins og til end­ur­bóta á sam­göng­um og land­bún­aði jafnt sem styrkj­um til menn­ing­ar­mála. Þá hafi katalónsk­an hlot­ið með­byr.

Mest lesið í mánuðinum

Krefjast tæps milljarðs af félagi þingmanns
2
Stjórnmál

Krefjast tæps millj­arðs af fé­lagi þing­manns

Kröf­ur upp á 981 millj­ón eru und­ir í beiðni um nauð­ung­ar­sölu á lóð­um fé­lags­ins Rend­er Centi­um ehf. í Mos­fells­bæ. Berg­þór Óla­son, þing­mað­ur Mið­flokks­ins, og fað­ir hans eiga fé­lag­ið sem átti að byggja þjón­ustu­íbúð­ir fyr­ir aldr­aða á lóð­inni en hef­ur rift samn­ingn­um. Mál­ið varp­ar ljósi á bygg­ing­ar­verk­efni þing­manns­ins víða um land en hann seg­ist sína að­komu ekki tíma­freka.

Mest lesið í mánuðinum

Nýtt efni

Íslendingar þurfa að forðast „breska kvillann“
ErlentHorft til Evrópu

Ís­lend­ing­ar þurfa að forð­ast „breska kvill­ann“

Þeg­ar Ír­land og Bret­land gengu sam­an í Evr­ópu­banda­lag­ið ár­ið 1973 var Ír­land fá­tækt fyrr­ver­andi ný­lendu­ríki, efna­hags­lega háð hinni gömlu herra­þjóð sinni. Hálfri öld síð­ar er Ír­land orð­ið auð­ug mið­stöð banda­rískra tæknifyr­ir­tækja á borð við Microsoft og Google. Bret­land hef­ur hins veg­ar yf­ir­gef­ið sam­band­ið. Hvaða hlut­verk lék ESB í upp­gangi Ír­lands og hvers vegna fet­uðu ná­granna­rík­in hvort sinn veg?
Getur Ísland staðið við alþjóðlegar skuldbindingar um náttúruvernd utan Evrópusambandsins?
Skýring

Get­ur Ís­land stað­ið við al­þjóð­leg­ar skuld­bind­ing­ar um nátt­úru­vernd ut­an Evr­ópu­sam­bands­ins?

Svo virð­ist sem Ís­land sæk­ist eft­ir því að ger­ast að­ili að al­þjóð­leg­um samn­ing­um en leiti síð­ur eft­ir því að inn­leiða regl­urn­ar eða upp­fylla skuld­bind­ing­ar sín­ar. Rætt við líf­fræð­ing­inn Trausta Bald­urs­son og Að­al­heiði Jó­hanns­dótt­ur, pró­fess­or í um­hverf­is­rétti.

Mest lesið undanfarið ár