Hluti auglýsingatekna RÚV renni til annarra miðla

Logi Ein­ars­son, menn­ingar,- nýsköp­unar og háskóla­ráð­herra, til­kynnti í dag aðgerða­á­ætlun í mál­efnum fjöl­miðla.

Meðal þeirra tutt­ugu aðgerða sem hann hyggst leggj­ast í eru að um 12 pró­sent hluti aug­lýs­inga­tekna RÚV verði lát­inn renna til ann­arra fjöl­miðla. Þá verði allt aug­lýs­ingafé umfram til­tekið hámark látið renna óskipt í sama stuðn­ings­um­hverfi. Er þetta til við­bótar við það fjár­magn sem þegar rennur til einka­rek­inna fjöl­miðla. 

Sagði Logi að þessi leið væri talin best til þess fallin að tryggja að aug­lýs­ingafé rynni ekki úr landi og skil­aði sér til ann­arra fjöl­miðla. 

Enn fremur hefur ráðu­neyti Loga og fjár­mála­ráðu­neytið ákveðið að hefja vinnu um hvernig megi létta af rekstri RÚV kostn­aði vegna eldri líf­eyr­is­skuld­bind­inga. 

Hvati til að sinna almannaþjónustuhlutverki

Meðal ann­arra aðgerða eru að almennur stuðn­ingur við fjöl­miðla verði hækk­aður umtals­vert og fyr­ir­sjá­an­leiki auk­inn. Frumvarp til laga um þetta verði lagt fram á vor­þingi 2026 og komi strax til fram­kvæmda. 

Enn fremur verði stuðn­ingur auk­inn við fjöl­miðla sem sinni almanna­þjón­ustu­hlut­verki, til dæmis með því að stunda fjöl­breyttan, dag­legan frétta­flutn­ing sem nær yfir landið allt og hefur ákveð­inn fjölda blaða­manna í vinnu. „Þetta er ekki til að styðja bara við þá sem þegar gera þetta, heldur sem hvati til ann­arra að stefna í þessa átt,“ sagði Logi. 

Til að sporna við þeim aug­lýs­inga­tekjum sem renna í æ rík­ari mæli til alþjóð­legra tækni­fyr­ir­tækja svo sem sam­fé­lags­miðla seg­ist Logi hafa litið til aðgerða sem önnur ríki hafa gripið til. Þetta sé þó flókið að takast á við. Því verði þó beint til ráðu­neyta og und­ir­stofn­ana rík­is­ins að beina aug­lýs­inga­kaupum sínum til fjöl­miðla, frekar en sam­fé­lags­miðla.