Ekki er víst að Guð­mundur Ingi Krist­ins­son, mennta- og barna­mála­ráð­herra, snúi aftur til starfa í ráðu­neyt­inu að loknu veik­inda­leyfi. Guð­mundur Ingi er á leið í hjarta­að­gerð.

Þetta kom fram í Silfrinu á RÚV í kvöld, þar sem Inga Sæland, for­maður Flokks fólks­ins, tók þátt í umræðum for­manna flokka á þingi. Sagði hún að óljóst væri hvernig fram­haldið yrði eftir aðgerð­ina. „Það veit eng­inn hvernig það fer, ein­stak­lingar þurfa að fara í end­ur­hæf­ingu, mis­langa, og annað slíkt eftir slíka aðgerð,“ sagði Inga Sæland orð­rétt.

Guð­mundur Ingi tók við emb­ætti mennta- og barna­mála­ráð­herra í mars síð­ast­liðnum, þegar Ást­hildur Lóa Þórs­dóttir sagði af sér. Þegar greint var frá því að Guð­mundur Ingi færi í veik­inda­leyfi var sagt að hann myndi snúa aftur til starfa að leyf­inu loknu.

Óljóst er hvenær eða hvort ákvörðun verður tekin um var­an­lega lausn í ráðu­neyt­inu, en málið ræðst að sögn Ingu Sæland af bata­ferli ráð­herr­ans eftir aðgerð­ina. …