Stjórnmál

Vilja vísa strandveiðifrumvarpi frá

Þing­menn Sjálf­stæð­is­flokks, Mið­flokks og Fram­sókn­ar­flokks vilja stöðva áform rík­is­stjórn­ar­inn­ar um að tryggja 48 veiði­daga til strand­veiða í ár. Á með­an held­ur mál­þóf um veiði­gjöld áfram á Al­þingi og Ís­lands­met í ræðu­höld­um við það að falla.

Vilja vísa strandveiðifrumvarpi frá
Vilja vísa frumvarpi frá Þingmenn Sjálfstæðisflokks, Miðflokks og Framsóknarflokks segja frumvarp um strandveiðar unnið of hratt og ógna sjálfbærni nytjastofna við Ísland.
Birtist fyrir tæpu ári.

Minni hluti í atvinnuveganefnd vill vísa frumvarpi um strandveiðar aftur til ríkisstjórnar. Frumvarpið á að tryggja 48 veiðidaga til strandveiða í ár.

Undir tillöguna skrifa Njáll Trausti Friðbertsson og Jón Gunnarsson, þingmenn Sjálfstæðisflokksins, og Bergþór Ólason, þingmaður Miðflokks. Þórarinn Ingi Pétursson, þingmaður Framsóknarflokks og áheyrnarmaður í nefndinni er einnig samþykkur tillögunni.

Þeir gagnrýna að málið hafi verið unnið hratt og lítill tími til að gefa umsagnaraðilum færi á að koma með athugasemdir. „Ef það verður að lögum verður ráðherra veitt víðtæk heimild til að ráðstafa viðbótaraflamagni til strandveiða umfram þær skorður sem Hafrannsóknastofnun setur og ákveðið er með lögbundinni aflareglu stjórnvalda,“ segir í tillögunni. „Það væri frávik frá skýrum viðmiðum um verndun fiskstofna og skynsamlega nýtingu sjávarauðlinda og gengi gegn markmiðum laga um stjórn fiskveiða.“

Þeir leggja því til að málið fari aftur fyrir ríkisstjórn.  „Með því að lögfesta ráðstöfun aflamagns sem gengur gegn ráðgjöf Hafrannsóknastofnunar og aflareglu stjórnvalda er hætta á því að grafið verði undan sjálfbærnivottun íslensks sjávarútvegs,“ segir í tillögunni. „Samtök fyrirtækja í sjávarútvegi vöruðu við því í umsögn sinni að það kynni að hafa áhrif á markaðsaðgengi, verð og traust neytenda á íslenskum sjávarafurðum. Alþjóðlegar vottanir byggjast á traustri og gagnsærri fiskveiðistjórn en ekki pólitískum ákvörðunum sem fara í bága við ráðgjöf sérfræðinga.“

Íslandsmetið að falla

Málið er ekki það eina sem varðar fiskveiðar sem Alþingi er með til umfjöllunar nú en í dag stendur yfir umræða um fyrirhugaðar hækkanir ríkisstjórnarinnar á veiðigjöldum. Áðurnefndur Njáll Trausti mun í dag flytja sína 60. ræðu um málið en þingmenn Sjálfstæðisflokks hafa sagts ætla að ræða málið eins lengi og þarf til að stöðva það.

Lengsta umræða á Alþingi síðan þingið var sameinað í eina málstofu árið 1991 var um þriðja orkupakkann árið 2019. Stóð hún í 147 klukkustundir. Veiðigjaldafrumvarpið kemur þar næst á eftir og hafði í gær verið rætt í 142 klukkustundir.

Umræðan um málið hófst kl. 10 í dag og má því búast við að Íslandsmetið falli á næstu klukkutímum og veiðigjaldaumræðan verði sú tímafrekasta í sögu Alþingis í núverandi mynd.

Kjósa
3
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.
Samfylkingin klofnar vegna brottfararstöðvar: Hvað annað átti að gera?
4
Stjórnmál

Sam­fylk­ing­in klofn­ar vegna brott­far­ar­stöðv­ar: Hvað ann­að átti að gera?

Þing­nefnd­in sem fjall­aði um ný­sam­þykkta brott­far­ar­stöð fékk ábend­ing­ar og hug­mynd­ir að minnst tíu öðr­um leið­um sem hægt væri að fara en að setja börn í lok­að úr­ræði í brott­far­ar­stöð. Sam­fylk­ing­in virð­ist klof­in í af­stöðu sinni til máls­ins þó að þingl­ið flokks­ins hafi hreykt sér af sam­þykkt lag­anna.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Hélt upp á afmælið með blóðugum bardaga í Hvíta húsinu
Erlent

Hélt upp á af­mæl­ið með blóð­ug­um bar­daga í Hvíta hús­inu

„Michelle Obama er karl­mað­ur, er það ekki rétt, Am­er­íka?“ öskr­aði bar­dagakappi í míkró­fón­inn þar sem hann barð­ist fyr­ir fram­an for­set­ann. Don­ald Trump hélt upp á átt­ræð­is af­mæl­ið með því að setja upp UFC-bar­daga í Hvíta hús­inu. Að­dá­andi sagði við­burð­inn „tákn­ræn­an og lýs­andi fyr­ir banda­ríska menn­ingu“ á með­an aðr­ir sögðu hann smekk­lausa nið­ur­læg­ingu.

Mest lesið undanfarið ár

Loka auglýsingu