Rafklettur ehf., félag Ágústs Guðmundssonar, annars Bakkavararbræðra svokölluðu, mun leigja Reykjavíkurborg húsnæði undir leikskóla við Rafstöðvarveg 7 og 9. Leikskólinn á að vera tilbúinn til notkunar næsta sumar og greiðir borgin rúmar 9 milljónir króna í mánaðarleigu til 15 ára.
Rafklettur er dótturfélag Laka fasteigna, sem er fjárfestingafélag Ágústs. Hann á alþjóðlega matvælafyrirtækið Bakkavör ásamt bróður sínum, Lýð, og Sigurði Valtýssyni, viðskiptafélaga þeirra. Sigurður skrifaði undir samninginn við borgina vegna verkefnisins. Laki á fjölda bygginga um land allt, meðal annars húsnæði Kvikmyndaskólans og Hotel Berjaya á Höfn í Hornafirði.
Bræðurnir voru eigendur Exista og þar með helstu hluthafar í Kaupþingi fyrir bankahrun 2008. Þeir voru taldir eigendur aflandsfélagsins Dekhill Advisors sem hagnaðist verulega á einkavæðingu Búnaðarbankans og voru umfangsmiklir í íslensku viðskiptalífi fyrir hrun í gegnum Símann, tryggingafélagið VÍS, fjármálafyrirtækisins Lýsingu og Viðskiptablaðið. Þeir misstu Bakkavör eftir hrun og Lýður hlaut 8 mánaða dóm fyrir brot á hlutafjárlögum. Þeir eignuðust …
Athugasemdir (2)