Ég flutti að heiman 18 eða 19 ára. Það var mjög mikil breyting. Ég bjó á Egilsstöðum með foreldrum mínum og er alin upp þar. Það var smáerfitt að flytja, en spennandi líka. Mig langaði að koma í umhverfi þar sem er fleira fólk. En það er ótrúlega leiðinlegt að þurfa að skilja fjölskylduna eftir. Sérstaklega litlu systur mína. Hún er 14 ára og maður missir smá af uppeldi hennar.
Ég held ég flytji ekki aftur til baka. Ég finn það alveg núna að ég á heima hér. Mér líður bara betur hérna. Ég held það sé vegna þess að hér er fleira fólk, allt er stærra og minni áhyggjur einhvern veginn.
Ég er að læra hagfræði. Það var eiginlega skyndiákvörðun. Ég skráði mig fyrst í matvælafræði og síðan viku áður en skólinn átti að byrja þá skipti ég bara. Mig langaði að prófa eitthvað annað. Síðan var það ótrúlega gaman, þannig að ég er búin að vera þar. Ég var að klára þriðja árið mitt, ég er að útskrifast á þremur og hálfu ári.
Ég vissi eiginlega ekkert hvað hagfræði var þegar ég byrjaði, en hún fer svo djúpt í hvernig allt samfélagið virkar. Hvernig það snýst og mér finnst gott að vita það. Áður en ég byrjaði í háskóla var ég ekkert að pæla í samfélagsumræðunni. En eftir þetta þá finnst mér miklu skemmtilegra að pæla í hlutunum og skoða út á hvað allt gengur.“
Athugasemdir (3)
Fólkið í borginni
Celine Dion breytti lífi mínu
Erfitt að vera öðruvísi í litlu samfélagi
Húmorinn hjálpar í erfiðum veikindum
Dreymdi um að skauta á Tjörninni
Siluðust áfram í óveðrinu þegar kirkjuklukkurnar hringdu inn jólin
https://heimildin.is/greinarod/folkid-i-borginni/