Ef einhver hefði verið á vaktinni, þá hefði fyrsta frétt hljómað einhvern veginn svona:

„Eldgos er hafið í miðri Síberíu. Því er líkast sem jarðvegur hafi flest ofan af stóru svæði og heilmikið glóandi hraun flæðir þar fram, hægt en örugglega. Heljarmikill reykur stendur upp af gosinu en lítið er um sprengingar eða eiginleg læti. Því má fastlega reikna með að gosinu ljúki fljótt og það valdi litlum skaða.“

En ef einhver hefði í rauninni verið á vaktinni, þá hefði hann eða hún þurft að flytja þá frétt daginn eftir að gosinu væri ekki lokið, heldur virtist svæðið þar sem hraunin vall upp þvert á móti hafa stækkað. Engu minni kraftur virtist í hraunflóðinu, þótt enn yrði varla nokkurra sprenginga vart.

Og daginn eftir hefði þurft að flytja sömu fréttina og líka daginn þar á eftir og næsta dag.

Og svo á hverjum degi næstu milljón árin eða svo. …