Arndísi Kjart­ans­dóttur var óvænt kastað í miðja umræð­una þegar hún gagn­rýndi áform Carbfix í Hafn­ar­firði. Hún býr á Völlunum, en í næsta návígi hefur Carbfix áform um að dæla niður minnst þremur millj­ónum tonna af koldí­oxíði. Fyrir vikið hefur hún staðið í ströngu, en hún hefur meðal ann­ars verið sökuð um að vera illa upp­lýst um málið, að vera Trump­isti og vilja ekki bjarga heim­inum.

Á sama tíma hefur hún, ásamt fleiri mót­mæl­endum, varpað ljósi á eitt umdeildasta mál lands­ins þessa stund­ina og vakið spurn­ing­una um hvort rétt­mætt sé að farga koltví­sýr­ingi sem fluttur er inn erlendis frá nærri íbúa­byggð.

Arndís er ekki ein um að hafa áhyggjur. Oddviti VG í Hafn­ar­firði furðar sig á með­vit­und­ar­leysi borg­ar­full­trúa í Reykja­vík og borg­ar­búa, en borgin er stærsti eig­andi Carbfix og miklir fjár­munir fara af almannafé í rekst­ur­inn. Orku­veita Reykja­víkur sam­þykkti nú í des­em­ber að hækka lána­línu Carbfix um fimm millj­arða króna sam­kvæmt …