Mjög hefur verið deilt um hvenær menn komu fyrst til Norður-Ameríku en lík­lega var það fyrir 15–20 þús­und árum. Sumir telja reyndar að það hafi verið tölu­vert fyrr. Altént komu hinir fyrstu Amer­ík­anar yfir Ber­ings­sund og héldu lang­flestir suður á bóg­inn. Ekki virð­ast þeir hafa freist­ast til að setj­ast að í nyrstu hér­uðum Kanada enda var ísöldin þá enn í gangi.

Fyrir um það bil sjö til átta þús­und árum mætti hins vegar nýtt fólk yfir Ber­ings­sundið og hafði búið í norð­ur­hluta Austur-Síberíu lík­lega í þús­undir ára. Þetta fólk kunni að lifa og veiða sér til matar við íshafið og ferð­að­ist sífellt lengra í austur uns það var komið til Græn­lands fyrir um 4.500 árum.

Fyrstu íbúar Grænlands deyja út

Þangað komið hefur þetta fólk verið kallað Saqqaq eftir stað á vest­ur­hluta Græn­lands þar sem fund­ust lík­ams­leifar og veiði­græjur úr steini, beini og viði. DNA-rann­sóknir á manni af Saqqaq-fólk­inu hafa …