Dúkur eða renn­ingur á borð, greni og kerti er eitt­hvað sem mér finnst ómissandi á jóla­borðið. 

Þegar kemur að jóla­borðum finnst mér gaman að hafa þau eins nátt­úru­leg og hægt er, grænt, kremað, hvítt og dass af rauðum blæ kemur alltaf sterkt inn og passar vel saman.

Hug­myndir að skrauti sem er hægt að bæta við á borðið eru til dæmis að vera með þurrk­aðar app­el­sínur í bland við greni, svona til að poppa aðeins upp lit­inn á borð­inu ef mat­ar­borðið er frekar neutral. Fallegt er að dreifa eucalyptus laufum á borðið ásamt lágum og háum kerta­stjökum sem mynda alltaf huggu­legt and­rúms­loft. Til að bæta rauða litnum við á borðið, þá er smart að vera með rauðar berja­greinar í vasa, rauðar serví­ettur eða kerti.

Eitt af því sem setur stemn­ingu við mat­ar­borðið eru fal­legar serví­ettur, hvort sem maður vill vera með margnota serví­ettur, til dæmis úr hör, eða einnota. Það …