„Þetta varð eiginlega bara fíkn“

„Ég er alltaf að prófa eitt­hvað nýtt. Þetta er svo­lítið lífs­stíll. Eins og ég sagði við einn gamlan frænda sem spurði af hverju ég vildi vera öll út í tattúum. Ég sagð­ist frekar vilja vera gang­andi lista­verk heldur en að hafa lista­verkin heima hjá mér þar sem eng­inn sér þau. Ég er að fara að vera módel á Dragon­fly, það er tattú- og göt­un­ar­stofa. Vinkona mín er að gata þar og hún er að fara að prófa að gera nýtt gat. Gatið heitir dermal og er sett í kinn­bein. 

Ég og frænka mín heitin héngum mikið saman þegar við vorum 13 til 14 ára gamlar og hún var alltaf að gata sjálfa sig sem varð til þess að mig lang­aði í gat í nefið, en end­aði á að fá mér gat í vör­ina – og var komin með 20 lokka í hvort eyra fyrir ferm­ingu. Það er allt hægt, skal ég segja þér. Og svo þró­að­ist þetta, ég fór að sjá fólk með gat í auga­brún­inni og í kinn­unum og þá lang­aði mig líka að prófa. Þetta varð eig­in­lega bara fíkn. Ég er með 30 stykki í dag. 

Samband mitt og frænku minnar var rosa­lega gott. Þetta var eitt mjög langt og gott sumar. Svo fórum við hvor í sína átt­ina. Ég varð móðir 18 ára gömul. Hún lifði sínu lífi og ég mínu sem 18 ára mamma. Það eru komin tíu ár síðan hún kvaddi, ég hugsa til hennar á hverjum ein­asta degi. Við vorum mjög nánar.“