Halla Tómasdóttir hótar að endurtaka leikinn frá 2016

Halla Tóm­as­dóttir, for­stjóri B Team, er sá for­seta­fram­bjóð­andi sem er á mestu skriði sam­kvæmt nýj­ustu kosn­inga­spá Heim­ild­ar­innar. Hún mælist nú með 9,2 pró­sent fylgi og hefur tvö­faldað það á örfáum dögum, fylgi hennar mæld­ist 4,7 pró­sent á fimmtu­dag. Halla er eini fram­bjóð­and­inn sem bauð sig líka fram síð­ast þegar nýr for­seta var kos­inn á Íslandi, árið 2016. 

Þegar tölur frá þeirri bar­áttu eru skoð­aðar kemur í ljós að hún átti mjög sam­bæri­lega fylg­is­sveiflu þá og nú, tæpum þremur vikum fyrir kosn­ingar. Halla mæld­ist með tæp­lega átta pró­sent fylgi fyrsta dag­anna í júní 2016, en kosn­ing­arnar fóru þá fram 25. júní, og hafði tvö­faldað það frá því seint í maí. Hún átti svo mik­inn enda­sprett og var að mæl­ast næst stærsti fram­bjóð­and­inn í síð­ustu kosn­inga­spám sem keyrðar voru fyrir kosn­ing­arnar, á eftir Guðna Th. Jóhann­essyni sem þó mæld­ist með örugga for­ystu. Þegar talið var upp úr kjör­köss­unum reynd­ist Halla hafa náð sér í 27,9 pró­sent atkvæða og ein­ungis mun­aði 11,2 pró­sentu­stigum á henni og Guðna, sem sigr­aði og varð for­seti. 

Enginn með yfir 30 prósent fylgi

Árið 2016 var Guðni að mæl­ast með 50-60 pró­sent fylgi þorra kosn­inga­bar­átt­unnar, en seig svo skarpt á síð­ustu metr­unum. Í ár er keppnin milli þeirra sem sækj­ast eftir emb­ætt­inu mun jafn­ari og nú er svo komið að eng­inn fram­bjóð­andi mælist með yfir 30 pró­sent fylgi. Halla Hrund Loga­dóttir orku­mála­stjóri leiðir enn kapp­hlaupið á Bessa­staði með 27 pró­sent fylgi og Katrín Jak­obs­dóttir, fyrr­ver­andi for­sæt­is­ráð­herra, kemur þar á eftir með 23,2 pró­sent. Fylgi Katrínar hefur dalað nokkuð stöðugt frá því í byrjun maí en Halla Hrund hefur á sama tíma bætt lít­il­lega við sig. Fylgi hennar hefur þó farið niður á við eftir að það topp­aði í rúmum 30 pró­sentum fyrir tæpri viku síðan.

Baldur Þór­halls­son, pró­fessor í stjórn­mála­fræði, mælist nú með 18,8 pró­sent fylgi sem er það minnsta sem hann hefur mælst með frá því að byrjað var að keyra kosn­inga­spánna í ár. Sömu sögu er að segja af Jóni Gnarr, sem mæld­ist um tíma með tæp­lega 20 pró­sent fylgi, en er nú kom­inn niður í tólf pró­sent.

Arnar Þór Jónsson, fyrr­ver­andi hér­aðs­dóm­ari og vara­þing­maður, hefur verið að hress­ast eilítið í könn­unum und­an­farið og er nú kom­inn með 5,3 pró­sent fylgi. 

Hvað er kosningaspáin?

Kosn­inga­spá Heim­ild­ar­innar er unnin í sam­starfi við dr. Baldur Héð­ins­son. Hann hefur keyrt kosn­inga­spálíkan sem hann smíð­aði fyrir fyr­ir­renn­ara Heim­ild­ar­innar í öllum kosn­ingum sem fram hafa farið á Íslandi síð­ast­lið­inn ára­tug, og mun gera það í aðdrag­anda for­seta­kosn­ing­anna einnig.

Líkanið miðar að því að setja upp­lýs­ingar sem skoð­ana­kann­anir veita í sam­hengi. Fyr­ir­liggj­andi skoð­ana­kann­­­anir eru teknar saman og þeim gefið vægi til þess að spá fyrir um úrslit kosn­­­inga. Nið­ur­stöður spálík­ans­ins eru svo birtar reglu­lega í Heim­ild­inni, jafnt á prenti og vef, í aðdrag­anda kosn­inga.