„Eflaust verður ein­hver aukn­ing á ein­hverjum tímum dags­ins,“ segir Jóhannes Svavar Rún­ars­son, fram­kvæmda­stjóri Strætó bs., spurður hvort fyr­ir­tækið græði ekki á því að lang­tíma­stæði Isavia við Leifs­stöð séu full­bókuð um pásk­ana. Jóhannes virð­ist því ekki bjart­sýnn á að fólk sem ekki á pantað stæði fyrir einka­bíl­inn muni snúa sér til Strætó.

Fram­kvæmda­stjóriJóhannes Svavar Rún­ars­son.

Mynd: bus.is

Og skýr­ing­arnar eru ein­faldar: Áætlun vagn­anna sem ganga milli höf­uð­borg­ar­svæð­is­ins og Kefla­vík­ur­flug­vallar gerir ekki ráð fyrir að far­þegar nái morg­un­flugi. „Ég myndi því halda að það væru frekar flug­rút­urnar sem græddu á þessu,“ segir hann. 

Mikill verðmunur

Leið 55 leggur af stað frá Reykja­vík um kl. 6.30 virka morgna og enn seinna um helgar. Og það er einmitt helg­ar­á­ætl­unin sem mun gilda um pásk­ana. Þeir sem eiga bókað flug um miðjan dag og seinni part­inn gætu nýtt sér þjón­ustu Strætó sem er mun ódýr­ari (2.280 krónur fyrir full­orðna) en ferð með Flugrútu Kynn­is­ferða (3.899 krónur). Verð­mun­ur­inn er um 70 pró­sent. Stræt­ó­ferðin tekur vissu­lega lengri tíma, svo því sé haldið til haga, enda fer vagn­inn um Ásbrú og nokkra staði í Reykja­nesbæ.

Jóhannes segir að hug­myndir um að bæta þjón­ustu Strætó út á Kefla­vík­ur­flug­völl „mörg hund­ruð sinnum“ hafi komið til tals. Hins vegar sé litið svo á að flug­rút­urnar, sem nokkur fyr­ir­tæki halda úti, séu almenn­ings­sam­göngur, og þar af leið­andi þurfi ekki að bæta þjón­ustu Strætó. Líkt og á öðrum leiðum á lands­byggð­inni er akst­urs­þjón­usta að flug­vell­inum veitt sam­kvæmt samn­ingi við Vega­gerð­ina. Að sögn Jóhann­esar er nú sér­stök nefnd á vegum inn­an­rík­is­ráðu­neyt­is­ins að skoða þessi mál ofan í kjöl­inn. 

Hvað veldur?

Sam­göngur út á Kefla­vík­ur­flug­völl hafa lengi verið til umræðu. Margir far­þegar kjósa að koma á sínum einka­bíl og leggja í lang­tíma­stæði en svo eru mörg fyr­ir­tæki, á litlum sem stórum far­ar­tækjum, sem aka með far­þega til og frá vell­inum dag hvern. Strætó virð­ist hins vegar afgangs­stærð að ýmsu leyti. Aðgengi að flug­stöð­inni er t.d. eitt atriði. Vagn­arnir aka upp að flug­stöð­inni með far­þega en þeir sem eru á leið til baka þurfa hins vegar að ganga nokkurn spotta að stoppu­stöð­inni. Þá er ferða­tíðnin og ferða­tími einnig óhentug fyrir flug­far­þega. 

Hildur Sverr­is­dóttir, þing­maður Sjálf­stæð­is­flokks­ins, lagði nýverið fram fyr­ir­spurn á Alþingi um málið. Spurði hún inn­við­a­ráð­herra m.a. hvort að eitt­hvað í lögum eða samn­ingum við Isavia stæði í vegi fyrir því að Strætó gæti haft bið­stöð nærri aðal­inn- og útgöngu­leiðum flug­stöðv­ar­innar og aug­lýst þjón­ustu sína innan flug­stöðv­ar­innar. Hún hefur enn fremur bent á að í nágranna­löndum okkar séu sam­göngur frá flug­velli til mið­borga góðar en hér sé staðan í „hálf­gerðu lama­sessi“.

Ráð­herr­ann hefur ekki enn svarað fyr­ir­spurn­inni.