Dróna­mynd­band sem ljós­mynd­ari Heim­ild­ar­innar náði í dag sýnir vel augna­blikið hraunið flæddi yfir heita­vatns­lögn­ina sem sér Reykja­nesbæ, Grinda­vík, Vogum og Suð­ur­nesjabæ fyrir heitu vatni. Í mynd­band­inu má sjá mann­virkið standa í ljósum logum í örum hraun­straum­inum.  

Heita­vatns­laust er á Reykja­nes­inu og örfáir klukku­tímar í að vara­birgðir í miðl­un­ar­tönkum HS Veitna klárist. Í sam­tali Heim­ild­ar­innar sagði Kristinn Harð­ar­son, fram­kvæmda­stjóri fram­leiðslu­sviðs HS Orku, að unnið sé hörðum höndum að nýrri hjá­veitu­lögn í stað þeirrar sem skemmd­ist og fór undir hraun í hádeg­inu í dag. 

Vonast er til þess að þeirri vinnu verði lokið á morgun en þá munu Reykja­nes­bær, Suð­ur­nesja­bær og Vogar hafa verið heita­vatns­laus í um hálfan sól­ar­hring. Bæj­ar­yf­ir­völd í Reykja­nesbæ vinna að því að verja eignir bæj­ar­ins og umræða er hafin um það hvort mögu­lega þurfi að flytja fólk af hjúkr­un­ar­heim­ilum burt úr bænum.

Eldgos hófst við Sund­hnúka­gíga­röð­ina laust eftir klukkan 6 í morgun, á svip­uðum stað og gaus 18. des­em­ber síð­ast­lið­inn. Fyrst töldu sér­fræð­ingar að stað­setn­ingin væri heppi­leg og að hraun­rennslið ógn­aði ekki innviðum. „Þetta er end­ur­tekn­ing á gos­inu í des­em­ber,“ sagði Þor­valdur Þórð­ar­son í við­tali við frétta­stofu RÚV. Eftir því sem leið á dag­inn kom þó í ljós að um alvar­legri stöðu væri að ræða en á horfð­ist í fyrstu.

Hraun­rennsli var tals­vert í vestur. Var því við­búið að ef til vill færi að reyna á varn­ar­garð­ana í Svarts­engi eða að það næði jafn­vel að Grinda­vík­ur­vegi. Það varð úr og gott betur. Hraunið flæddi yfir Grinda­vík­ur­veg og í átt að Bláa lón­inu, þar sem á leið þess varð aðal­stofnæð hita­veitu HS-veitna.

Hraun­breiðanKortið sýnir hvert hraunið rann í dag. Sjá má að það fór tals­vert lengra vestur en í gos­inu 18. des­em­ber.

Mynd: Heim­ildin / JIS