Enginn flokkur tapaði jafnmiklu fylgi í kosningunum 2021 og Miðflokkur Sigmundar Davíðs Gunnlaugssonar, sem helmingaðist og fékk 5,4 prósent atkvæða. Fjöldi þingmanna hans, sem hafði vaxið vegna flóttamanna úr Flokki fólksins, fór úr því að telja níu í að verða þrír. Og skömmu síðar tveir þegar Birgir Þórarinsson flutti sig yfir í Sjálfstæðisflokkinn. 

Ljóst var að þetta myndi hafa umtalsverð áhrif á fjármál Miðflokksins, sem fékk 100 af þeim 112 milljónum króna sem flokkurinn aflaði á því ári úr opinberum sjóðum, eða næstum níu af hverjum tíu krónum. 

Á árinu 2022 drógust tekjur flokksins verulega saman í kjölfar kosningaósigursins og voru í heild 66 milljónir króna. Þar af voru fjárframlög frá hinu opinbera 54 milljónir króna. Hlutfall þeirra var tæplega 82 prósent. Athygli vekur að framlög lögaðila og félagsgjöld hækkuðu samhliða því sem fylgi flokksins dróst saman. Alls gáfu lögaðilar Miðflokknum tæplega 6,8 milljónir króna á árinu 2022. Alls voru …