Meðalskuld þess sem skuldaði námslán hækkaði um 150 þúsund krónur árið 2021 og um 350 þúsund krónur í fyrra vegna aukinnar verðbólgu. Alls hækkuðu námslánin um 11,3 milljarða króna vegna verðbóta sem lögðust á höfuðstól þeirra á árinu 2021 og um 21,9 milljarða króna á árinu 2022, eða samtals um 33,2 milljarða króna. Þetta kom fram í svari Áslaugar Örnu Sigurbjörnsdóttur háskóla-, iðnaðar- og nýsköpunarráðherra við fyrirspurn Gísla Rafns Ólafssonar, þingmanns Pírata, um málið.
Í ársreikningi Menntasjóðs námsmanna vegna ársins 2022 kemur fram að heildarumfang útlána hans fyrir varúðarfærslu á afskriftarreikning var um 268 milljarðar króna um síðustu áramót. Því nema verðbæturnar sem bættust við á höfuðstólinn á tveimur árum um 12,4 prósent af heildarskuldum lántakenda við sjóðinn. Búast má við því að umtalsverðar viðbótarverðbætur hafi bæst við á árinu 2023, enda verðbólga haldist há og stendur enn í átta prósentum.
268
Áslaug …
Athugasemdir (1)