Ráðherra á að hafa almannahagsmuni að leiðarljósi, hann á að segja satt og hann má ekki notfæra sér stöðu sína „í eiginhagsmunaskyni eða í þágu hagsmuna tengdra aðila“. Þetta er á meðal þess sem tiltekið er í uppfærðum siðareglum ráðherra, sem birtar voru í Stjórnartíðindum 6. desember síðastliðinn.
Endurskoðun reglnanna, sem voru fyrst settar árið 2011, hafði staðið yfir frá haustinu 2022 og starfshópur sem Katrín Jakobsdóttir forsætisráðherra skipaði leiddi þá vinnu. Eftir að starfshópurinn skilaði tillögum sínum voru þær teknar til umræðu á vinnufundi ráðherra í ríkisstjórninni sem haldinn var í ágúst.
Eiga að upplýsa um fjárhagsleg hagsmunatengsl
Um töluverðar breytingar er að ræða. Í nýju siðareglunum er sú breyting gerð á fyrstu grein að ráðherrar eiga nú að hafa „almannahagsmuni ávallt að leiðarljósi í störfum sínum“, að hafa í heiðri „lýðræðisleg gildi, mannréttindi og meginreglur réttarríkisins“ og starfa í „anda gagnsæis, sannsögli, ábyrgðar og heilinda“. Þá á ráðherra …
Eða kannski kemst hann upp með allt því hvergi er minnst á viðurlög. Eru þau einhvers staðar annars staðar? Hvað gerist ef ráðherra brýtur siðareglur?