Reykvíkingar borga 379 milljónum meira fyrir sorphirðu á næsta ári

Reykja­vík­ur­borg til­kynnti fyrir stuttu að sorp­hirðu­gjöld verði hækkuð um allt að 14 pró­sent, sem nemur rúmum 379 millj­ónum krónum. Áætlaðar heild­ar­tekjur Reykja­vík­ur­borgar af sorp­hirðu­gjöldum vegna hirðu við heim­ili hækka um 20 pró­sent milli ára, úr 1.855 millj­ónum króna í 2.234 millj­ónir króna.

Þá breyt­ist einnig gjald­taka vegna rekst­urs grenndar- og end­ur­vinnslu­stöðva, áætl­aðar heild­ar­tekjur hækka þar um 2 pró­sent milli ára, úr 936 millj­ónum króna í 956 millj­ónir króna. Þegar þessir liðir eru teknir saman er áætluð hækkun gjalda við hirðu við heim­ili og rekst­urs grenndar- og end­ur­vinnslu­stöðva um 14 pró­sent. Það er áætluð jafn­aðar hækkun á hirðu­gjöldum í Reykja­vík milli ára. Tekið er fram að vegna fjölg­unar íbúða í Reykja­vík um 2,4 pró­sent er hækkun á hverja íbúð um 12 pró­sent.

Ástæðan fyrir hækk­un­inni sem gefin er upp að hún teng­ist breyt­ing­unum sem inn­leiddar voru á sorp­hirðu í Reykja­vík, fyrr í ár. Þar sem flokk­un­ar­tunnum var fjölgað í fjórar og tekin var upp sér­stök gjald­skrá fyrir hverja og eina tunnu.

Í til­kynn­ing­unni kemur fram að verið sé að beita hag­rænum hvötum til þess að stuðla að auk­inni flokkun. Samkvæmt upp­færðri gjald­skrá hækkar gjald á hirðu blönd­uðu sorpi um 70 pró­sent. Þá hækkar hirða á mat­ar­leifum um 17,4 pró­sent.

Hins vegar lækka gjöld á hirðu plasti um 9,2 pró­sent, og pappír um 15 pró­sent. Tekið er fram í til­kynn­ing­unni að með auk­inni flokkun geti íbúar fjöl­býli fækkað tunnum og þannig tek­ist að lækkað gjöldin. Hins vegar sé svig­rúm til lækk­unar á gjöldum fyrir íbúa í sér­býli tals­vert minna, þeir þurfi að vera með sínar fjórar flokk­un­ar­tunnur og vegna breyt­inga á lögum um með­höndlun úrgangs er grennd­ar­stöðvum ekki lengur heim­ilt að safna pappír og plasti.