Alexander mikli og göngin undir Gasa

Enn linnir ekki hörm­ungum palest­ínsku þjóð­ar­innar á Gasa. Ég hef í und­an­förnum blöðum rakið for­sögu þessa svæðis og var þar komið sögu að Filistear svo­nefndir höfðu sest þar að, senni­lega ein af „sæþjóð­unum“ sem Egiftum tókst að hrinda af höndum sér eftir miklar erjur og stríð um það árið 1100 FT (fyrir upp­haf tíma­tals okkar, það er að segja „fyrir Krist“ eins og áður var sagt).

Filistear sett­ust að í Gasa og nágrenni þar sem Kana­ans­menn voru fyrir. Þeir nýkomnu voru ef til vill afkom­endur Krít­verja Knossos-menn­ing­ar­innar og urðu því­líkt veldi fyrir Mið­jarð­ar­hafs­botni um þær mundir að eftir þeim heitir svæðið Palest­ína. Samkvæmt frá­sögnum Gamla testa­ment­is­ins öttu hinir fornu Ísra­els­menn mjög kappi við Filistea næstu ald­irnar og höfðu að lokum betur og unnu Gasa en forn­leifa­upp­gröftur styður reyndar ekki þær stríðs­sögur.

Og raunar óvíst að ástæða sé til að tala um Gyðinga svo snemma. Því sú þjóð varð …