Heim­ildin ræddi við Hörð, sem ásamt öðru starfs­fólki verka­lýðs­fé­lags­ins er kom­inn með vinnu­að­stöðu á skrif­stofum VR í Kringl­unni. Hann segir að verk­efnið núna í fyrsta kast­inu sé að tryggja afkomu starfs­fólks í Grinda­vík og til að byrja með sé horft til þriggja mán­aða.

Full­trúar félags­ins fund­uðu með ráð­herrum í rík­is­stjórn­inni á mánu­dag um stöðu Grind­vík­inga og síðan hefur Hörður fengið þau boð að það sé frum­varp á leið­inni sem eigi að tryggja Grind­vík­ingum afkomu, með ein­hverri „sótt­kví­ar­leið, COVID-leið“. Hann lýsir fundi sínum með for­sæt­is­ráð­herra og félags- og vinnu­mark­aðs­ráð­herra á mánu­dag sem góðum. „Þau lof­uðu að reyna að vera jákvæð og vinna hratt.“

Hörður og félagar hafa einnig verið að skoða lána­mál Grind­vík­inga, en lána­stofn­anir hafa boðið Grind­vík­ingum upp á fryst­ingu eða greiðslu­hlé. „Þessi leið hugn­ast okkur alls ekki og er ekki að grípa fólkið. Vext­irnir hlað­ast ofan á höf­uð­stól­inn og greiðslu­byrðin hækkar. Það getur ekki gengið,“ segir Hörður, sem segir félagið hafa beðið um fund með banka­stjóra Lands­bank­ans og heyrt í ýmsum í banka­kerf­inu.

Telurðu lík­legt að bank­arnir séu til­búnir að taka á sig vexti Grind­vík­inga?

„Ég vil ekk­ert segja um það fyrr en við erum búin að hitta þá. En þessi leið sem þeir eru að bjóða upp á á alls ekki að ganga, hún er alveg ófær. Þetta gengur ekki svona. Það er óvissa og á fólk að vera að borga af lán­unum sínum og eyða eigið fé í að hækka höf­uð­stól­inn á sama tíma og það er að finna sér leigu­hús­næði og kaupa inn hús­gögn og föt og annað? Það er bara galið. Þú hlýtur að vera með ein­hverja sam­fé­lags­lega ábyrgð, þó að þú sért fjár­mála­fyr­ir­tæki,“ segir Hörður.

Hefurðu rætt þetta eitt­hvað við stjórn­mála­menn­ina?

„Nei, við vorum ekki alveg komin þangað. Við ætlum að sjá hvernig þetta gengur en ef við fáum nei­kvæð svör þá hljótum við að fara þá leið, að reyna við póli­tík­ina.“

Hefur ekkert farið heim

Hörður sjálfur þurfti að skilja heim­ili sitt eftir við rým­ingu bæj­ar­ins og hefur ekki snúið til baka að vitja eigna sinna. „Sonur minn skaust þarna inn til að tékka hvernig þetta liti út. Ég er bara búinn að vera í vinn­unni að græja og gera þessi mál gagn­vart mínum félags­mönnum. Húsið er óskemmt en inn­búið er mikið brotið,“ segir hann um stöð­una á heim­ili sínu.

Líðan sína segir hann breyti­lega innan dags, eins og vænt­an­lega eigi við um marga Grind­vík­inga. Óvissan sé slæm.

Hann vill koma því á fram­færi að Grind­vík­ingar séu gríð­ar­lega þakk­látir fyrir jákvæðar kveðjur og boð um aðstoð. „Það er ótrú­leg sam­heldni sem við finnum fyrir í sam­fé­lag­inu. Það skiptir máli,“ segir Hörður.