Það er helst í þung­arokk­inu að karl­mann­legar áherslur í tón­list eru yfir og allt um kring. Þar rymja og rokka sveittir karlar fyrir sveitta karla og sára­fáar konur stíga á svið eða eru djúpt sokknar í þung­arokkið – svo ég alhæfi nú aðeins gegn betri vit­und. Þung­arokkið ætti ekki breik á Bechdel-prófi, en skítt með það, tæp­lega helm­ingur erum við menn.

Hnausþykkt og sjarmerandi

Upp­gangur Skálmaldar hefur verið næsta ævin­týra­legur. Sex­menn­ing­arnir gerðu sér enga hug­mynd um hversu mikið þeir ættu inni þegar þeir birt­ust með fyrstu plöt­una sína 2010, en eiga nú aðdá­endur um allan heim og fylla stóra sali bæði hér og erlendis. Ýdalir er sjötta platan þeirra – og hví­lík plata! Þessir við­kunn­an­legu strákar vita nákvæm­lega hvað þeir eru að gera og eru orðnir gríð­ar­lega sjó­aðir í vík­ing­arokk­inu. Í rúm­lega þrjú korter böðl­ast þeir und­ur­sam­lega ofur­þéttir í gegnum níu lög og ham­ast eins og hundar Satans …