Þrír stjórn­endur hjá Íslands­banka sem hafa verið reknir úr störfum sínum á síð­ustu dögum eru annað hvort með sex eða tólf mán­aða upp­sagn­ar­fresti. Samkvæmt fyr­ir­liggj­andi upp­lýs­ingum um launa­kjör þeirra mun Íslands­banki þurfa að greiða hátt í 140 millj­ónir króna vegna starfs­loka þeirra fái allir þrír greitt út upp­sagn­ar­frest sinn. Íslands­banki hefur ekki viljað birta starfs­loka­samn­inga stjórn­end­anna en fjár­laga­nefnd Alþingis hefur kallað eftir samn­ingnum sem gerður var við banka­stjóra bank­ans, og ætlar sér að birta hann í heild.

Ástæða þess að stjórn­end­urnir voru reknir er opin­berun sáttar sem Íslands­banki gerði við fjár­mála­eft­ir­lit Seðla­banka Íslands um að greiða næstum 1,2 millj­arð króna í sekt. Með því ját­aði bank­inn að stjórn­endur og starfs­menn hans hefðu framið marg­háttuð lög­brot þegar þeir komu að sölu­ferli á 22,5 pró­sent hlut íslenska rík­is­ins í Íslands­banka í mars í fyrra. Salan fór fram í lok­uðu útboði og átti ein­ungis að vera til fag­fjár­festa. Á meðal þess sem kom …