Guð­laugur Þór Þórð­ar­son, umhverfis-, orku- og lofts­lags­ráð­herra hefur sent frá sér yfir­lýs­ingu vegna fréttar Heim­ild­ar­innar um end­ur­vinnslu á fernum. Samkvæmt rann­sókn Heim­ild­ar­innar hafa nán­ast allar fernur sem Íslend­ingar hafa skolað og flokkað und­an­farin ár verið sendar erlendis þar sem þær enda hjá sem­ents­verk­smiðjum í Evrópu. Þar eru þær brenndar. 

Guð­laugur seg­ist líta málið alvar­legum augum og hefur óskað eftir því að for­svars­menn Sorpu og Úrvinnslu­sjóðs mæti til sín á fund eftir helgi og útskýri fyrir honum hver staðan sé á mál­inu.

„Ég lít á þessa umfjöllun mjög alvar­legum augum og hef komið því á fram­færi við for­svars­menn Sorpu og Úrvinnslu­sjóðs og óskað eftir skýr­ingum. Full­trúar þeirra hafa verið boð­aðir á fund með ráð­herra eftir helgi. Umfjöllun Heim­ild­ar­innar er þess eðlis að við verðum að fá skýr­ingar og við munum fylgja þessu máli eftir,“ segir í yfir­lýs­ingu ráð­herra.