Á heim­ili Þór­hildar Ólafs­dóttur er keypt tölu­vert af fernum með mjólk­ur­vörum. „Við erum með tvö lítil börn sem þurfa sína mjólk og svo er eitt og annað sem fellur til og er í fernum,“ segir hún. 

Hún er áhuga­söm um sorp­flokkun og hefur komið sér upp góðu kerfi. Það er vegna þess að hún „vill gera vel“. Í því skyni hefur hún lagt sig eftir því að afla upp­lýs­inga um hvernig sé best að bera sig að og hvernig slíkt kerfi sé sem þægi­leg­ast fyrir alla fjöl­skyld­una. „Maður fórnar nátt­úr­lega plássi undir flokk­un­ina og þar fram eftir göt­unum. Ég er að skola fern­urnar og búa aðeins um þær, en ég tel það ekki eftir mér. Ég er heppin að það hefur verið frekar auð­velt að koma upp flokk­unar­í­látum hér heima,“ segir hún og bætir við: „Mér finnst þetta bara ganga mjög vel. Flokkun er orðin hluti af líf­inu og …