Fréttir

Framkvæmdastjóri Procar ákærður af héraðssaksóknara

Hér­aðssak­sókn­ari hef­ur gef­ið út ákæru á hend­ur Har­aldi Sveini Gunn­ars­syni, sem var fram­kvæmda­stjóri og meiri­hluta­eig­andi bíla­leig­unn­ar Procar, fyr­ir skjalafals. Ár­ið 2019 var greint frá því í Kveik á RÚV að bíla­leig­an hefði ár­um sam­an stund­að það að skrúfa til baka kíló­metra­stöðu not­aðra bíla­leigu­bíla áð­ur en þeir voru seld­ir.

Framkvæmdastjóri Procar ákærður af héraðssaksóknara
Mynd: Stundin
Birtist fyrir 3 árum.

Haraldur Sveinn Gunnarsson, sem var framkvæmdastjóri, stjórnarformaður og meirihlutaeigandi bílaleigunnar Procar, hefur verið ákærður af héraðssaksóknara fyrir að hafa á árunum 2014-2018 hlutast til um sölu á samtals 134 bifreiðum með falsaðri kílómetrastöðu. Haraldur er ákærður fyrir skjalafals, en til vara fyrir fjársvik.

Í ákærunni kemur fram að Haraldur segist hafa fengið mann sem heitir Pawel til þess að falsa með rafrænum hætti stöðu á kílómetramæla í aksturstölvum bifreiðanna, þannig að kílómetramælarnir þeirra sýndu færri ekna kílómetra en raunin var. Málið var þingfest í Héraðsdómi Reykjavíkur í morgun.

Í yfirlýsingu sem Procar sendi frá sér í kjölfar þess að ljóstrað var upp um málið í fréttaskýringarþættinum Kveik á RÚV árið 2019 kom fram að þetta hefði verið gert til þess að gera bílana auðseljanlegri.

Fyrst um sinn héldu forsvarsmenn bílaleigunnar því fram í yfirlýsingu að fyrirtækið hefði hætt að fikta í kílómetrastöðu bíla árið 2015 og að málið varðaði einungis bifreiðar sem seldar hefðu verið á árunum 2013-2016, en síðar var sagt frá því að það stæðist ekki, heldur hefðu bílar með rangri kílómetrastöðu verið seldir frá fyrirtækinu árin 2017 og 2018.

Haraldur Sveinn er einn ákærður í málinu, en bróðir hans, Gunnar Björn Gunnarsson, sem einnig var í forsvari fyrir rekstur bílaleigunnar á þessum tíma, sætir ekki ákæru í málinu.

Búið að greiða bætur vegna 116 bíla

Í ákæruskjalinu frá héraðssaksóknara segir að í ágúst í fyrra hafi verið búið að greiða bætur að andvirði 13,3 milljóna króna til alls 116 aðila, en í kjölfar þess að greint var frá málinu í umfjöllunum Kveiks á RÚV ákvað Procar að bjóða þeim sem keypt höfðu bíla af fyrirtækinu bætur. Ekki var búið að gera upp bætur vegna samtals 18 bifreiða. 

Alls gera sex einstaklingar skaðabótakröfur í málinu, sem samtals nema rúmlega 4,1 milljón króna. Sá sem gerir hæsta kröfu krefur Harald um rúmlega 1,1 milljón, auk dráttarvaxta frá árinu 2018.

Málið vakti mikla athygli á sínum tíma og hefur verið til rannsóknar hjá héraðssóknara allt frá árinu 2019. Bílaleigunni var vikið úr Samtökum ferðaþjónustunnar í kjölfar þess að málið kom upp. 

Kjósa
4
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Snýr aftur í hjúkrunarfræði eftir heilablæðingu
1
ViðtalLífið á Grensás

Snýr aft­ur í hjúkr­un­ar­fræði eft­ir heila­blæð­ingu

Við­bragðs­að­il­ar héldu að Björn Ólaf­ur Har­alds­son væri út­úr­dóp­að­ur þeg­ar hann lá á gólf­inu með blæð­ingu í heila. Hann var 21 árs og í hjúkr­un­ar­fræði­námi þeg­ar áfall­ið reið yf­ir og þurfti ít­rek­að að leið­rétta mis­tök ófag­lærðs starfs­fólks á heil­brigð­is­stofn­un­um. Nú stefn­ir hann á að klára nám­ið og koma sterk­ari til baka.
Reykjavíkurborg takmarkar aðgengi að tónlistarnámi
5
Tónlist

Reykja­vík­ur­borg tak­mark­ar að­gengi að tón­list­ar­námi

Þrátt fyr­ir stefnu Reykja­vík­ur­borg­ar um jafn­an rétt til list­sköp­un­ar lýsa skóla­stjórn­end­ur tón­list­ar­skóla þung­um áhyggj­um af þró­un mála. Ald­urstak­mörk hafi orð­ið til þess að vísa þurfti nem­end­um úr námi og aðr­ir kom­ist aldrei að. Sí­fellt sé þrengt að starf­semi tón­list­ar­skóla þar til þeir verði ann­að­hvort að sam­ein­ast eða loka.

Mest lesið í mánuðinum

Katla sem breytti heilbrigðiskerfinu
1
ViðtalLífið á Grensás

Katla sem breytti heil­brigðis­kerf­inu

Eng­inn á Ís­landi hef­ur lif­að af jafn al­var­leg­an mænusk­aða og Katla Guðna­dótt­ir sem lenti í dul­ar­fullu bíl­slysi 22 ára göm­ul. Hún er föst á Grens­ás­deild þar sem kerf­ið hef­ur ekki af­greitt beiðni henn­ar um heima­þjón­ustu. Bar­átta henn­ar hef­ur þeg­ar skil­að for­dæma­lausri ákvörð­un í heil­brigð­is­ráðu­neyt­inu en oft líð­ur henni eins og fólki hefði þótt það auð­veld­ara ef hún hefði ekki lif­að slys­ið af.

Mest lesið í mánuðinum

Nýtt efni

Reykjavík yfir landsmeðaltali í PISA en Reykjanesbær undir á öllum sviðum
InnlentNiðurstöður PISA

Reykja­vík yf­ir lands­með­al­tali í PISA en Reykja­nes­bær und­ir á öll­um svið­um

Mennta­mála­ráðu­neyt­ið hef­ur birt nið­ur­brot á nið­ur­stöð­um PISA eft­ir sveit­ar­fé­lög­um. Mun­ur á frammi­stöðu nem­enda í stærstu sveit­ar­fé­lög­um lands­ins minnk­ar þeg­ar tek­ið er til­lit til bak­grunns þeirra. Reykja­vík helst þó yf­ir lands­með­al­tali í vís­ind­um, stærð­fræðilæsi og lesskiln­ingi en Reykja­nes­bær und­ir á öll­um þrem­ur svið­um.

Mest lesið undanfarið ár