Fyrri aukaspurning:
Hvað má sjá á myndinni hér að ofan?
***
Aðalspurningar:
1. Hvað heitir sú bergtegund sem verður til við gos undir jökli (eða vatni þar sem gosopið er nálægt eða rétt undir yfirborðinu)?
2. Egg, lirfa og fullvaxið skordýr. Hvað vantar í þessa upptalningu — og hvar?
3. Hvað fékkst Högna Sigurðardóttir við í lífinu?
4. Hvers konar næringarefni má helst fá úr kjöti, eggjum og fiski?
5. Sú var tíð að með óreglulegu millibili voru haldnar svokallaðar „heimssýningar“ þar sem þjóðir sýndu helstu afrek sín, ekki síst í vísindum og tækni ýmiss konar. Mikill metnaður var einatt lagður í þessar heimssýningar en að þeim loknum stóð þó einatt fátt eftir. Sú var þó ekki raunin um heimssýninguna 1889. Eftir hana stendur svolítið sem enn minnir rækilega á sig. Hvað er það?
6. Bandaríkjamennirnir Robbie Krieger, John Densmore og Ray Manzarek voru allir í vinsælli rokkhljómsveit á hippatímanum. Með þeim í hljómsveitinni var söngvari og textahöfundur og megintöffari í leðurbuxum sem var sannkallað andlit hljómsveitarinnar, þótt hann væri lítt spilandi á hljóðfæri. Eftir að söngvarinn drakk sig í hel 27 ára gamall reyndu þeir félagar að halda áfram að gefa út plötur en það gekk ekki án hans. Hvað hét þessi hljómsveit?
7. En hvað hét söngvarinn skammlífi?
8. Hvað þýðir orðið mólekúl í sinni einföldustu mynd?
9. Hvar er eldfjallið Mauna Kea?
10. Hvers konar eindir mynda ljós?
***
Seinni aukaspurning:
Þessi mynd prýddi umslag plötu sem út kom í vetrarbyrjun og vakti lof. Hvað kallar hún sig, listakonan sem þarna sést?
***
Svör við aðalspurningum:
1. Móberg.
2. Egg, lirfa, PÚPA og fullvaxið skordýr.
3. Arkitektúr.
4. Prótein.
5. Eiffel-turninn í París.
6. Doors.
7. Morrison, Jim.
8. Sameind, samband tveggja eða fleiri atóma.
9. Á Havaí.
10. Ljóseindir, á erlendum málum photons.
***
Svör við aukaspurningum:
Á efri myndinni er Hadríanusarmúrinn á Bretlandi.
Á neðri myndinn er Gugusar.
Athugasemdir