Fyrri aukaspurning:
Hver er sú unga stúlka sem þarna sést með afa sínum? Þið þurfið EKKI að vita hvað afinn heitir en ef einhver veit það, á sá eða sú skilið nördaverðlaun vikunnar.
***
Aðalspurningar:
1. Hvaða þingmaður á Alþingi Íslendinga var stærðfræðikennari en tók síðar að sér fjármálaráðuneytið?
2. Í hvaða sagnaheimi kynnumst við mæðgunum Catelyn Stark og dætrum hennar Sönsu og Örju?
3. Hvað heitir stærsta eyjan á Karíbahafi?
4. Hvaða skáld um 1300 lýsti bæði helvíti og himnaríki betur en áður hafði verið gert?
5. Síðustu þrír páfar hafa hins vegar tilheyrt hver sinni þjóðinni. Hvaða þremur þjóðum hafa þessir páfar tilheyrt? Þið þurfið að hafa öll þjóðaheitin rétt en nöfn páfanna mega liggja milli hluta í þetta sinn.
6. Hvaða þjóð í Evrópu stærir sig gjarnan af því að ríki hennar hafi verið það síðasta í álfunni sem undirgekkst kristni?
7. Á fremur afskekktum stað norðar í álfunni bjó þó önnur þjóð sem hafði að sönnu fengið að kynnast kristindómnum fyrr, en heiðin trúarbrögð viðhéldust þó í nokkrar aldir enn til hliðar við og innan um kristindóminn. Hvaða þjóð var svona blendin í trúnni?
8. Hvaða byggði staður á Atlantshafi er lengst frá öðru byggðu bóli?
9. Hver er aftastur í stafrófinu af öllum þeim sem hafa verið kjörnir á Alþingi Íslendinga?
10. Í bandaríska flotanum tíðkast nokkuð að gefa risastórum flugvélamóðurskipum nöfn forseta Bandaríkjanna. Sem stendur sigla átta slík risaskip um höfin og það níunda er á leiðinni. En hver er nýjasti forsetinn (þ.e.a.s. styst síðan hann gegndi embætti) sem hefur verið heiðraður með þessum hætti?
***
Seinni aukaspurning:
Hér er ein óvenjuleg. Ég fékk hana með góðfúslegu leyfi hjá Alex Bellos sem heldur úti skemmtilegri þrautasíðu hjá The Guardian, en hann fékk hana hjá úkraínsku bræðrunum Arsenii og Andrii Nikolaiev sem halda úti stærðfræðigrúppunni Kvanta. Og spurningin er einfaldlega: Hvernig verður þetta dæmi rétt með því að færa EINA eldspýtu? Og athugið að rétta svarið felst EKKI í brellu eins og þeirri að færa eina eldspýtu yfir samasemmerki svo að líti svona út: ≠. Heldur er þetta alvöru stærðfræði! Og ég hallast að því að þrautin sé nokkuð erfið, svo gefið ykkur tíma!
***
Svör við aðalspurningum:
1. Hér kemur í rauninni aðeins Oddný Harðardóttir til greina þar sem hún er eini þingmaðurinn sem situr núna á þingi sem þetta á við — en þannig var spurningin hugsuð. Glöggur maður benti mér þó á að það kæmi líklega ekki alveg nógu skýrt fram að eingöngu væri átt við núverandi þingmenn og því fæst rétt líka fyrir Benedikt Jóhannesson ef einhverjum dettur hann í hug.
2. Í Krúnuleikunum eða Game of Thrones.
3. Kúba.
4. Dante.
5. Jóhannes Páll 2. var pólskur, Benedikt 16. þýskur, Frans er argentínskur.
6. Litháar.
7. Samar á Norðurlöndum.
8. Tristan da Cunha.
9. Össur Skarphéðinsson.
10. Bush eldri. USS George H.W. Bush var tekið í notkun 2009.
***
Svör við aukaspurningum:
Á efri myndinni er Kim Kardashian ásamt afa sínum. Hann hét Arthur Kardashian.
Og lausnin á neðri þrautinni er svona:
Spurningaþrautin
Fyrri grein
1070. spurningaþraut: Borgir frá fyrri tímum, og tveir íslenskir bæir
Næsta grein
Athugasemdir