1066. spurningaþraut: 1066? Þá hlýtur að verða spurt um tiltekna orrustu

Fyrri auka­spurn­ing:

Hvað heitir það verk sem skjá­skotið hér að ofan er hluti af?

***

Aðal­spurn­ingar:

1.  Fyrst þetta er þraut númer 1066, þá þýðir ekki annað en spyrja: Hver vann fræga orr­ustu sem háð var á því ári í Evrópu?

2.  Og í beinu fram­haldi: Hvað hét leið­togi þeirra sem töp­uðu orr­ust­unni, en sá lét reyndar líf sitt?

3.  Hvaða kvik­mynd fékk á dög­unum Ósk­arsverð­laun sem besta myndin?

4.  En hvaða mynd fékk Óskarinn í flokknum erlendar myndir?

5.  Hvað kvað Þórólfur drjúpa af hverju strái á Íslandi?

6.  Með hverjum hafði Þórólfur þessi komið til Íslands?

7.  Hverrar þjóðar er söng­konan Sinead O'Connor?

8.  Hrafn heit­inn Jök­uls­son fékkst við margt um dag­ana. En hvað af þessu hér gerði hann EKKI? — Skrifaði bók um Ástandið — Sat á Alþingi — Skipu­lagði skák­mót í Namibíu — Sigldi frá Reykja­vík norður á Strandir í ára­bát í fjár­öfl­un­ar­skyni — Skrifaði glæpa­sögu um und­ir­heima Reykja­víkur — Var frétta­rit­ari í Júgóslavíu­stríð­inu upp úr 1990 — Fór með páska­egg til Græn­lands — Hélt úti skák­fé­lagi á krá í Reykja­vík.

9.  Í hvaða heims­álfu er ríkið Óman?

10.  Agnes M. Sig­urð­ar­dóttir er biskup Íslands. Hún tók árið 2012 við af ... hverjum?

***

Seinni auka­spurn­ing:

Hvaða per­sóna er það sem ber eld að kveiki­þræði fall­byssu um leið og gestur er boð­inn vel­kom­inn?

***

Svör við aðal­spurn­ingum:

1.  Vil­hjálmur her­togi í Normandý. Nafnið Vil­hjálmur dugar en hann er oft­ast nendur ýmis Vil­hjálmur sig­ur­veg­ari eða Vil­hjálmur bast­arður.

2.  Haraldur kon­ungur.

3.  Everyt­hing Everywhere All at Once.

4.  Im Westen nichts Neues eða  Tíð­inda­laust á vest­ur­víg­stöðv­unum.

5.  Smjör.

6.  Hrafna-Flóka.

7.  Írsk.

8.  Hrafn mun aldrei hafa siglt norður á Strandir á ára­bát. Allt hitt gerði hann í ein­hverjum mæli.

9.  Asíu.

10.  Karli Sig­ur­björns­syni.

***

Svör við auka­spurn­ingum:

Á efri mynd­inni er Bayeux-ref­ill­inn svo­kall­aði sem sýnir inn­rás Vil­hjálms her­toga á Englandi og orr­ust­una við Hastings.

Á neðri mynd­inni er það vita­skuld Jóakim Aðalönd sem tekur svona dóna­lega á móti þeim sem bankar.