Fyrri aukaspurning:

Úr hvaða bíómynd er skjáskotið hér að ofan?

***

Aðalspurningar:

1. Hversu marga daga var Guð að skapa heiminn samkvæmt Biblíunni?

2.  Önnur úr Biblíunni: Hvað gerði móðir Móse til að bjarga lífi hans?

3.  Jennifer Melfi er bandarískur sálfræðingur, ugglaust fædd um 1955 og hefur stofu í New Jersey þar sem hún tekur á móti sjúklingum. Hún fer ekki í manngreinarálit og reynir að liðsinna hverjum sem er, jafnvel þeim sem hafa komist í kast við lögin. Að sumu leyti virkar hún eins og skriftafaðir fyrir hina trúuðu. Hvar er Jennifer Melfi helst að finna?

4.  Jeffrey Dahmer var bandarískur karlmaður sem komst í sviðsljósið 1991. Hann var myrtur 1994. Í fyrra var frumsýnd sjónvarpssería um líf hans og vakti hún töluverða athygli, þótt ekki hefðu allir geð í sér til að horfa á hana. Hvað var tilkall Jeffreys Dahmers til frægðar?

5.  Í efnafræði er ákveðið fyrirbæri mælt í svokölluðum pH-gildum. Hvað er mælt með pH?

6.  Hvaða stjörnumerki dýrahringsins er nú í gildi?

7.  Í hvaða heimsálfu er hið sjálfstæða ríki Micronesia?

8.  Hver sér um þáttinn Mannamál á sjónvarpsstöðinni Hringbraut?

9.  Hér var einu sinni spurt hvar fyrsta sería sjónvarpsþáttaraðarinnar The White Lotus gerðist. En nú er spurt: Hver gerist sería 2?

10.  Í hvaða núverandi ríki var Mýkenu-menningin við lýði? 

***

Seinni aukaspurning:

Á skjáskotinu hér að neðan birtist mynd sem kölluð hefur verið fyrsta fréttamynd íslenskrar fjölmiðlasögu, þótt hún sé teikning- eða öllu heldur rista - en ekki ljósmynd. Hvaða ár birti Morgunblaðið þessa mynd? Muna má einu ári til eða frá.

***

Svör við aðalspurningum:

1.  Sex daga.

2.  Setti hann í körfu og setti hana á flot í ánni Níl.

3.  Í sjónvarpsþáttaröðinni Sopranos.

4.  Hann var fjöldamorðingi.

5.  Sýrustig vatns og/eða vatnsblandaðra vökva.

6.  Fiskarnir.

7.  Eyjaálfu.

8.  Sigmundur Ernir Rúnarsson.

9.  Á Sikiley.

10.  Grikklandi.

***

Svör við aukaspurningum:

Efri myndin er úr The Devil Wears Prada.

Fréttin á neðri myndinni birtist 1913 svo rétt telst vera 1912-1914.