Fyrri aukaspurning:

Hvað heitir persónan sem Ólafía Hrönn er að leika þarna?

***

Aðalspurningar:

1.  Ein vinsælasta kvikmyndin 1970 var rómantísk mynd sem fjallaði um ástfangið ungt fólk sem Ryan O'Neil og Ali MacGraw léku. Þau giftast en stúlkan reynist svo dauðvona úr hvítblæði. Hvað hét þessi hjartnæma ástarsaga?

2.  Fimmtíu árum síðar var mjög vinsæl ekki síður hjartnæm mynd þótt á annan hátt væri. Þar léku þær Saoirse Ronan, Emma Watson, Florence Pugh og Eliza Scanlen March-systurnar fjórar sem þurfa að takast á við hitt og þetta í lífinu. Myndin var tilnefnd til Óskarsverðlauna sem besta myndin 2020 en hvað hét hún? 

3.  Hvaða orð þýðir skraut en má líka nota (með svolítilli viðbót) yfir algengar grastegundir?

4.  Hvaða stjörnumerki er að ganga í garð þessa dagana í dýrahringnum?

5.  Í hvaða landi er Netanyahu forsætisráðherra?

6.  Einu sinni gerðist það að Símon knútur bað Árna beisk að drepa mann. Árni beiskur gerði það, þótt maðurinn bæði sér vægðar. Hvern drap Árni beiskur?

7.  Í hvaða hljómsveit léku og sungu hinir ósamlyndu Gallagher-bræður?

8.  Hvaða lið varð Íslandsmeistari í körfubolta kvenna síðastliðið vor?

9.  En hvaða lið vann í karlaflokki?

10.  Þann 13. nóvember síðastliðinn tryggði fótboltaliðið Palmeiras sér sigur í meistarakeppni karla í heimalandi sínu og var það í 11. sinn sem Palmeiras varð meistari. En í hvaða landi?

***

Seinni aukaspurning:

Borð hvaða spils er að sjá á myndinni?

***

Svör við aðalspurningum:

1.  Love Story.

2.  Little Women.

3.  Punt.

4.  Fiskarnir.

5.  Ísrael.

6.  Snorra Sturluson.

7.  Oasis.

8.  Njarðvík.

9.  Valur.

10.  Brasilíu.

***

Svör við aukaspurningum:

Á efri myndinni er Ólafía Hrönn að leika lögreglukonuna Elínborgu í myndinni Mýrin eftir sögu Arnaldar Indriðasonar.

Á neðri myndinni má sjá hið japanska Go.