Þessi grein birtist fyrir meira en ári.

Maðurinn með ennisbandið

Hann er dansk­ur, síð­hærð­ur og ætíð með enn­is­band í vinn­unni. Hann hef­ur þrisvar ver­ið kjör­inn besti hand­knatt­leiks­mað­ur í heimi og aukakast sem hann tók á Ólymp­íu­leik­un­um 2008 er skráð í sögu­bæk­ur hand­bolt­ans. Hann heit­ir Mikk­el Han­sen og er frá Hels­ingja­eyri.

Maðurinn með ennisbandið
Heimsmeistari Mikkel Hansen hefur leikið 252 landsleiki og skorað í þeim 1302 og orðið heimsmeistari í þrígang, Evrópumeistari og Ólympíumeistari. En það var fátt sem benti til þess þegar hann hóf handboltaferilinn árið 2001. Mynd: AFP

Þegar gluggað er í bækur, eða leitað á netinu, um uppruna og sögu handboltans kemur í ljós að sú saga spannar einungis rúma öld. Upphaf þessarar íþróttar má rekja til kennara í Ordrup norðan við Kaupmannahöfn. Þessi maður hét Holger Nielsen (1866- 1955) og starfaði við barna- og unglingaskólann í Ordrup. Holger Nielsen er iðulega nefndur faðir handboltans. Ástæða þess er að árið 1906 samdi hann og gaf út reglur fyrir það sem hann kallaði handbolta, þær fyrstu af því tagi. Hann hafði reyndar átta árum fyrr, 1898, búið til leik, sem hann kallaði „Leik með höndunum“ og kenndi nemendum við Ordrup skólann. 

LífgunaraðferðHolger Nielsen, faðir handboltans, fann einnig upp lífgunaraðferð sem þótti tímamótauppfinning en telst úrelt í dag.

Leikurinn líktist mjög handboltanum, eins og við þekkjum hann í dag, leikreglurnar voru þó mun færri. Þennan leik var hægt að iðka á skólalóðinni en þar var bannað að sparka bolta. Holger Nielsen var mikill áhugamaður um íþróttir og hafði unnið til silfurverðlauna í skylmingum og bronsverðlaunum í skotfimi á fyrstu Ólympíuleikunum árið 1896. Líka má geta þess að löngu síðar, árið 1932, fann Holger Nielsen upp lífgunaraðferð sem þótti þá tímamótauppfinning, en þykir nú úrelt. 

Rasmus Nikolaj Ernst og fyrsti handboltaleikurinn

En þótt Holger Nielsen sé nefndur faðir handboltans kom þó annar maður líka við upphafssögu þessarar íþróttar. Sá hét Rasmus Nikolaj Ernst (1872 – 1937). Rasmus var 24 ára þegar hann gerðist kennari við barna- og unglingaskólann í Nyborg á Fjóni. Hann bjó til einfaldar reglur fyrir boltaleik sem hann kallaði handbolta og kenndi nemendum sínum. Það er athyglisvert að það skuli hafa verið tveir Danir sem fundu upp þessa vinsælu íþrótt, nánast á sama tíma, án þess að vita hvor af öðrum. 

Árið 1905 flutti Rasmus Ernst til Helsingjaeyrar og gerðist kennari við barna- og unglingaskóla þar. Hann kenndi nemendum handbolta og spilað var eftir reglunum sem hann hafði samið og voru um margt ólíkar reglunum sem Holger Nielsen hafði samið. Rasmus Ernst hefur verið nefndur faðir handboltans á Helsingjaeyri. 

Árið 1907, tveimur árum eftir að Rasmus Ernst flutti til Helsingjaeyrar og hóf að kenna nemendum sínum handbolta, barst honum áskorun frá skólanum í Ordrup um að etja kappi. Rasmus Ernst og nemendur hans tóku áskoruninni og leikurinn fór fram á Helsingjaeyri það sama ár. Leikar fóru þannig að lið Ordrup skólans sigraði örugglega, skoraði 21 mark en liði Helsingjaeyrar tókst ekki að koma boltanum í mark andstæðinganna, 21- 0 var sem sé niðurstaðan. Leikið var eftir reglum Ordrup skólans og haft var eftir Rasmus Ernst að það hefði átt mikinn þátt í hvernig fór. 

Leikurinn er merkilegur í sögu handboltans því hann var fyrsti opinberi kappleikurinn í þessari íþrótt. En stundum er sagt að fall sé fararheill og með þessum tapleik var grunnur lagður að langri og farsælli sögu handboltaiðkunar á Helsingjaeyri. Hún verður ekki rakin hér. 

Bara einn úr hópnum

Sumarið 2001 hittust drengjalið sjálenskra handknattleiksfélaga til þess að æfa og etja kappi á einskonar æfingamóti. Þarna voru samankomnir piltar frá mörgum félögum á Sjálandi, þar á meðal Íþróttafélagi Helsingjaeyrar, Helsingør IF. 

Í hópnum sem kom frá Helsingjaeyri var 14 ára strákur, frekar lítill eftir aldri og grannvaxinn. Hann skar sig ekki úr hópnum, var látinn vera á vinstri kantinum. Fátt benti til að hann yrði síðar yfirburðamaður á handboltavellinum. Þessi snáði var Mikkel Hansen.

Claus Hansen sem þjálfaði drengjalið Íþróttafélags Helsingjaeyrar um árabil og lýsti Mikkel Hansen með fyrrnefndum hætti sagði í viðtali við dagblaðið Politiken að vegna þess hve Mikkel hefði á þessum tíma verið lítill og líkamlega seinþroska hefði hann þurft að bæta það upp með tækni og boltameðferð. Sú kunnátta hefði komið sér vel þegar hann, frekar seint, tók út líkamlegan þroska. Hér má nefna að Mikkel Hansen slagar nú hátt í 2 metra á hæð, er nánar tiltekið 1,96.

Handboltafjölskylda

Mikkel Hansen fæddist á Helsingjaeyri 22. október 1987. Foreldrar hans eru Flemming og Helle Hansen. Flemming hefur frá 1983 verið í rannsóknardeild lögreglunnar og Helle árum saman skólastjóri við Nygaard-skólann á Helsingjaeyri. Auk Mikkel eignuðust hjónin tvær dætur, Mette sem er lögmaður og Mie sem er blaðamaður. 

FeðgarMikkel Hansen ásamt föður sínum. Handboltinn er aldrei langt undan.

Óhætt er að segja að Hansen-fjölskyldan hafi verið handboltafjölskylda. Flemming og Helle æfðu bæði handbolta og það gerðu börnin líka. Flemming varð landsliðsmaður í handbolta, lék 120 landsleiki og skoraði í þeim 240 mörk. Mikkel fór iðulega með föður sínum á æfingar í Helsingør Hallen og fylgdist grannt með. Hann leit mjög upp til föður síns og byrjaði ungur að leika sér með bolta. Á heimilinu var mikið talað um handbolta og Mikkel hefur í viðtölum sagt að mikið hafi verið rætt um taktík, gabbhreyfingar, tækni einstakra landsliðsmanna og yfirleitt allt sem viðkom íþróttinni. „Maður drakk þetta í sig og langaði að ná árangri.“

Ferillinn hófst í heimabænum

Eins og áður sagði var Mikkel framan af frekar lágvaxinn og ekki sterkbyggður. Fljótlega eftir fermingaraldurinn fór hins vegar að togna úr honum. Hann lék með unglingaliði Helsingjaeyrarfélagsins og einnig með öðru félagi, Virum-Sorgenfri, á Sjálandi. 

Árið 2005 hóf hann að leika með GOG Svendborg á Fjóni og stundaði jafnframt nám við íþróttaskólann í Oure, skammt frá Svendborg. Oure-skólinn var um árabil ein helsta uppeldisstöð danskra handboltamanna. Á árunum 2006-2007 lék Mikkel með undir 21 árs landsliðinu en síðla árs 2007 var hann í fyrsta sinn valinn í danska landsliðshópinn. 

Eldflaugarskotið skaut Mikkel upp á handboltahimininn

Árið 2008 var Mikkel í landsliðshópnum sem sendur var á Ólympíuleikana í Kína, upphaflega stóð ekki til að hann færi með en vegna forfalla eins úr hópnum var honum kippt með á síðustu stundu.

Meðal andstæðinga Dana í handboltakeppninni voru Rússar. Í leikslok var staðan jöfn 24-24. En Danir áttu aukakast. Burðarásarnir í danska liðinu voru örþreyttir og höfðu flestir ekki átt góðan dag. Mikkel Hansen, einum yngsta manninum í liðinu var falið að taka aukakastið. Það aukakast hefur komist á spjöld handknattleikssögunnar og iðulega verið kallað eldflaugarskotið. Á einhvern óskiljanlegan hátt tókst Mikkel Hansen að skjóta gegnum varnarvegg Rússanna og skora. Markið tryggði Dönum sigur í leiknum. Mikkel Hansen sagði að hann hefði ekki sjálfur séð boltann hafna í markinu, rússneski varnarveggurinn skyggði á.

Danir höfnuðu í sjöunda sæti á leikunum en nefna má að íslenska liðið, undir stjórn Guðmundar Guðmundssonar, komu heim með silfrið. „Gott silfur gulli betra“ sögðu Íslendingar.

FC Barcelona, AG København, Paris Saint-Germain, Álaborg

Skömmu fyrir Ólympíuleikana 2008 gerði Mikkel Hansen þriggja ára samning við FC Barcelona. Eftir tvö ár hjá þessu þekkta félagi ákvað hann hins vegar að snúa heim til Danmerkur og hóf að leika með AG København. 

AG København var þá nýstofnað eftir sameiningu tveggja handboltafélaga og ætlunin var að þetta nýja félag yrði „elítuklúbbur“ eins og forsvarsmenn félagsins komust að orði. Á vellinum vegnaði félaginu vel en sama verður ekki sagt um fjármálin og félagið varð gjaldþrota sumarið 2012, starfaði sem sagt í tvö ár og tveimur mánuðum betur. 

Leikmenn AG København fóru út og suður, Mikkel Hansen var þegar þarna var komið sögu, orðinn heimsþekktur handboltamaður, hafði verið valinn besti leikmaður heims árið 2011 og markakóngur heimsmeistaramótsins sama ár. Mörg félög báru víurnar í Mikkel Hansen sem gekk til liðs við Paris Saint- Germain. Þar var hann í 10 ár og á þeim tíma vann liðið 9 sinnum frönsku meistaradeildina. 

Landsliðið

Eins og áður var getið var Mikkel Hansen fyrst valinn í danska landsliðið árið 2007. Síðan þá hefur hann leikið 252 landsleiki og skorað 1302 mörk. Hann leikur ætíð á vinstri kantinum. Félagar hans segja hann ómetanlegan, hann sé einn þessara leikmanna sem geti allt: hafi gott auga fyrir spilinu, hafi einstaka skottækni, haldi leiknum gangandi. Þar að auki sé hann mjög mikilvægur fyrir liðsandann utan vallar. Sjálfur hefur Mikkel sagt að í gangverki séu öll hjól jafn mikilvæg, hann sé stoltur af að hafa verið hluti þessa gangverks. 

Blóðtappi í lunga

Í mars í fyrra fékk Mikkel Hansen blóðtappa í annað lungað. Hann hafði ári fyrr (2021) ákveðið að segja skilið við Paris Saint- Germain, frá sumrinu 2022, og snúa heim til Danmerkur. Hann gerði þriggja ára samning við Handboltafélag Álaborgar og sagðist í viðtali fyrir skömmu gera ráð fyrir að vera þar út samningstímabilið. Danskir íþróttafréttamenn segja hann ekki enn hafa náð fyrri styrk eftir blóðtappann. Hann gerði eigi að síður 41 mark á nýafstöðnu heimsmeistaramóti.

Var meiddur á hné í úrslitaleiknum

Það vakti athygli að í úrslitaleiknum á heimsmeistaramótinu í Svíþjóð hafði Mikkel Hansen sig lítt í frammi, var ekkert inná í síðari hálfleik, fyrir utan að taka eitt víti, sem hann skoraði úr. Eftir leikinn var upplýst að Mikkel Hansen hafði meiðst á hné í undanúrslitaleiknum við Spánverja en því var haldið leyndu fram yfir úrslitaleikinn. Það sýnir kannski best hversu mikilvægur hann er liðinu „móralskt“.

FögnuðurMikkel Hansen fagnaði heimsmeistaratitlinum með rautt ennisband að þessu sinni.

Ennisbandið

Mikkel Hansen hefur lengi verið með sítt hár og notað ennisband í leikjum. Hann er því auðþekktur á vellinum. Oftast hefur ennisbandið verið hvítt en í seinni tíð þó oftar rautt, til dæmis í úrslitaleiknum við Frakka á heimsmeistaramótinu. Hann ku aldrei leika með sama ennisbandið tvisvar sinnum á sama mótinu „það verða allir að hafa sína sérvisku“ sagði einn félaga hans í danska landsliðinu. Fyrsta ennisbandið sem Mikkel Hansen bar í landsleik var svart en hann hefur auk þess notað gult og grænt ennisband.

Fjölskyldumaður og listaverkasafnari  

Mikkel Hansen brá sér á Hróarskelduhátíðina sumarið 2017. Það reyndist afdrifaríkt, því um fjögurleytið eina nóttina heilsaði honum kona sem sagðist heita Julio. Fljótlega kom í ljós að það var ekki hennar rétta nafn hún heitir Stephanie Gundelach. Í nýlegu viðtali kom fram að þau hefðu strax fundið „eitthvað“ eins og þau orðuðu það. Þau urðu svo fjarbúðarkærustupar, því Stephanie, sem er ári eldri en Mikkel, bjó á þessum tíma í Kaupmannahöfn. Hún flutti síðar til Parísar þar sem Mikkel bjó. Þau giftust árið 2020 eiga tvo syni og búa nú í Kaupmannahöfn þótt vinnustaður Mikkel sé í Álaborg. 

Þegar Mikkel Hansen flutti til Parísar árið 2012 byrjaði hann að kaupa listaverk. Einkum málverk en líka annars konar listmuni og á nú orðið mikið safn listaverka. Í áðurnefndu viðtali sögðust hjónin vera mjög ánægð með að vera flutt heim til Danmerkur. „Hér erum við á heimavelli,“ sagði Stephanie og uppskar hlátur bónda síns.

Í lokin

Á vefsíðunni Wikipediu má lesa að Valdimar Sveinbjörnsson íþróttakennari hafi flutt handknattleik til Íslands árið 1921, þá nýkominn frá námi við íþróttakennaraskóla Danmerkur. Fyrsti skráði handboltaleikurinn fór fram milli tveggja stúlknaliða í Hafnarfirði árið 1925. Fyrsta Íslandsmótið fór fram í Íþróttahúsi Jóns Þorsteinssonar við Lindargötu árið 1940.

Kjósa
8
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Sökktu kurli og seldu syndaaflausn
1
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Illugi Jökulsson
5
Pistill

Illugi Jökulsson

Sagði Kissin­ger að ban­vænt væri að vera vin­ur Banda­ríkj­anna?

Gam­all prest­ur (sem kall­ar sig reynd­ar „pastor emer­it­us“) skrif­ar grein í Morg­un­blað­ið til stuðn­ings stríði Pút­ins Rúss­lands­for­seta í Úkraínu. Hann kenn­ir Banda­ríkja­mönnum­um um það stríð eins og fleira í heimi hér; þeir hafi att Úkraínu­mönn­um út í stríð­ið og vitn­ar í því sam­bandi við orða Henry Kissin­gers:„Það má vera hættu­legt að eiga Banda­rík­in að óvini en að eiga þau að...
„Áhyggjuefni hvað langtímaveikindi innan blaðamannastéttarinnar hafa aukist mikið“
8
Fréttir

„Áhyggju­efni hvað lang­tíma­veik­indi inn­an blaða­manna­stétt­ar­inn­ar hafa auk­ist mik­ið“

Til þess að rétta af bága fjár­hags­stöðu Styrkt­ar­sjóðs blaða­manna hef­ur Blaða­manna­fé­lag­ið ákveð­ið að breyta út­hlut­un­ar­regl­um sjóðs­ins. Halla­rekst­ur­inn er rak­inn til fjölg­un­ar um­sókna um sjúkra­daga­pen­inga. Í til­kynn­ingu seg­ir að fé­lag­ið hafi mikl­ar áhyggj­ur af aukn­um lang­tíma­veik­ind­um með­al blaða­manna sem rekja megi til óvið­un­andi starfs­að­stæðna.

Mest lesið

Mest lesið í vikunni

Jesús Kristur breytti lífinu
3
Fólkið í borginni

Jesús Krist­ur breytti líf­inu

Kurt­eis og mjúk­máll ung­ur mað­ur sit­ur á brún­um bekk á Hlemmi. Hann bend­ir sessu­nauti sín­um á að strætó­inn hans sé kom­inn. Sá tek­ur úr sér heyrn­ar­tól­in og þakk­ar fyr­ir. Ungi mað­ur­inn sem sit­ur eft­ir bros­andi tal­ar ís­lensku með ör­litl­um hreim, en orða­forð­inn er áber­andi góð­ur. Hann er með barm­merki sem á stend­ur: Öld­ung­ur Matt­son. Hann seg­ir blaða­manni frá því hvað varð til þess að hann komst á þenn­an stað.
Sökktu kurli og seldu syndaaflausn
4
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Bankarnir búnir með alla sénsa - peningaþvættisvarnir í ólestri
7
FréttirPeningaþvætti

Bank­arn­ir bún­ir með alla sénsa - pen­inga­þvættis­varn­ir í ólestri

Tæp­lega 600 millj­ón króna sátt Ís­lands­banka við yf­ir­völd vegna ónógra pen­inga­þvættis­varna er til marks um að bæði séu séns­ar eft­ir­lits­að­ila á þrot­um og að mun hærri sekt­ir verði lagð­ar á fyr­ir­tæki en áð­ur. Ari­on banki er næst­ur, en óljóst er hversu há sú sekt verð­ur. Fyr­ir tveim­ur ár­um greiddi Salt­Pay rúm­lega tíu sinn­um lægri sekt fyr­ir mun al­var­legri brot.

Mest lesið í mánuðinum

Auður Jónsdóttir
1
Skoðun

Auður Jónsdóttir

Þið er­uð óvit­ar! ­– hlust­ið á okk­ur

Það er andi elí­tísma í kring­um kosn­inga­bar­áttu Katrín­ar Jak­obs­dótt­ur. Nafn­tog­að­ir lista­menn, áhrifa­fólk í sam­fé­lag­inu og stjórn­mál­um jafnt sem vél­virkj­ar þaul­setn­asta stjórn­mála­flokks lands­ins leggj­ast á eina sveif með henni. Fyr­ir vik­ið eru kosn­ing­arn­ar áhuga­verð fé­lags­fræði­leg stúd­ía af því að í þeim af­hjúp­ast sam­taka­mátt­ur þeirra sem vald og raddsvið hafa – á ólík­um svið­um.
Saga af áralangri vanrækslu og vonleysi: „Þetta heitir Betra líf sko“
7
RannsóknBrostnar vonir á Betra lífi

Saga af ára­langri van­rækslu og von­leysi: „Þetta heit­ir Betra líf sko“

Slökkvi­lið­ið hef­ur sent kæru til lög­reglu á hend­ur Arn­ari Gunn­ari Hjálm­týs­syni fyr­ir að hafa stefnt lífi og heilsu íbúa áfanga­heim­il­is­ins Betra líf í Vatna­görð­um í hættu eft­ir að eld­ur kvikn­aði þar í fe­brú­ar í fyrra. Áfanga­heim­il­ið flutti þá upp í Kópa­vog. Í styrk­umsókn til Reykja­vík­ur fór Arn­ar með rang­færsl­ur en fékk engu að síð­ur rúm­ar 24 millj­ón­ir fyr­ir rekst­ur­inn. Full­trúi fé­lags- og vinnu­mark­aðs­ráðu­neyt­is­ins lýsti áhyggj­um af eit­ur­lyfja­sölu og vændi á einu áfanga­heim­il­inu.
„Hann sagði við mig að ef mér mislíkaði þetta gæti ég bara flutt út“
8
FréttirBrostnar vonir á Betra lífi

„Hann sagði við mig að ef mér mis­lík­aði þetta gæti ég bara flutt út“

Sylwia Burzy­kowska leigði 12 fer­metra her­bergi á áfanga­heim­ili Betra lífs á Kópa­vogs­braut á 140 þús­und krón­ur á mán­uði sem hún þurfti að greiða í reiðu­fé. Hún skrif­aði und­ir ótíma­bund­inn leigu­samn­ing en hafði að­eins bú­ið þar í þrjá mán­uði þeg­ar hús­ið var rif­ið í byrj­un mán­að­ar­ins. Sylwia býr nú í tjaldi.
Tugir fyrirtækja töldu rangt fram til að fá hærri styrki í „draumalandi nýsköpunarmanna“
10
Greining

Tug­ir fyr­ir­tækja töldu rangt fram til að fá hærri styrki í „draumalandi ný­sköp­un­ar­manna“

Efna­hags- og fram­fara­stofn­un­in, Al­þjóða­gjald­eyr­is­sjóð­ur­inn og Skatt­ur­inn hafa öll bent á að eft­ir­liti með út­greiðslu ný­sköp­un­ar­styrkja úr rík­is­sjóði, sem voru 1,3 millj­arð­ar króna fyr­ir nokkr­um ár­um en verða 24 millj­arð­ar króna ár­ið 2029, væri veru­lega ábóta­vant. Skatt­ur­inn hef­ur þeg­ar spar­að rík­is­sjóði 210 millj­ón­ir króna með því að gera gjalda­breyt­ing­ar hjá 27 að­il­um sem töldu fram ann­an kostn­að en ný­sköp­un til að fá styrki úr rík­is­sjóði. Einn starfs­mað­ur sinn­ir eft­ir­liti með mála­flokkn­um.

Mest lesið í mánuðinum

Nýtt efni

Mest lesið undanfarið ár

Loka auglýsingu