Ójöfnuður birtist helst í eignamyndun

Nú í mars lagði hópur þing­manna Sam­fylk­ing­ar­innar fram beiðni um skýrslu frá for­sæt­is­ráð­herra um ójöfnuð, félags­legt lands­lag og félags­legan hreyf­an­leika á Íslandi síð­ast­liðin 25 ár. Flutn­ings­maður var Dagur B. Egg­erts­son, fyrr­ver­andi borg­ar­stjóri. 

Í grein­ar­gerð með beiðn­inni er vísað til vax­andi umræðu um þróun ójafn­aðar, félags­legrar aðgrein­ingar og búsetu­mynsturs á Íslandi. „Nýleg úttekt á félags­legu lands­lagi Reykja­víkur sem náði einnig til suð­vest­ur­horns­ins bregður ljósi á ójöfnuð í tekjum og eignum og þróun mik­il­vægra þátta,“ segir meðal ann­ars. 

Heim­ildin náði tali af Dagi á göngu um borg­ina. „Þegar verið er að tala um auk­inn ójöfnuð þá finnur þú hann ekki í tekju­tölum í Reykja­vík eftir hrun, en þú sérð það frekar á eigna­hlið­inni. Við þurfum að fylgj­ast með þessu svo hægt sé að taka betri og mark­viss­ari ákvarð­anir,“ sagði hann meðal ann­ars. 

Þörf sé á að kort­leggja stöð­una betur. „Við höfum ekki góða inn­sýn inn í þessa þætti, því …