Fréttablaðið hefur verið borið í hús í síðasta sinn en nú um áramót varð grundvallarbreyting á útgáfu þessa rúmlega tveggja áratuga gamla fríblaðs. Í stað frídreifingar á höfuðborgarsvæðinu og á Akureyri verður blaðið skilið eftir í bunkum í verslunum og ýmsum þjónustustöðum, svo sem sundlaugum og heilbrigðisstofnunum. Þetta kemur fram á vef Fréttablaðsins í dag.
Haft er eftir Jóni Þórissyni, forstjóra Torgs, útgáfufélags Fréttablaðsins, DV og Hringbrautar, að dreifingin sé óhemju kostnaðarsöm, en hann tiltekur líka að horft hafi verið til þess að dreifingunni fylgdi óþarfa sóun. „Það er í takti við vaxandi umhverfisvitund að lágmarka kolefnisspor í okkar starfsemi,“ er haft eftir Jóni á vef Fréttablaðsins.
Hann segist ekki eiga von á því að lesturinn muni dala við þessa breytingu. „Það er engin ástæða til að ætla annað en lesturinn gæti orðið að minnsta kosti sambærilegur eftir þessa breytingu,“ segir hann við Fréttablaðið og vísar til þess að aukning varð á lestri blaðsins síðustu tvo mánuði. Samkvæmt lestrarkönnun Gallup lesa um 28 prósent landsmanna blaðið en 27 prósent lestur mældist í september.
Þrátt fyrir þessa sveiflu á milli mánaða verður ekki annað sagt en að lesturinn hafi hrunið síðustu ár. 30,5 prósent lásu blaðið í nóvember á síðasta ári, 33,8 prósent árið þar áður og 37,1 prósent í nóvember árið 2019. Útgáfan var lengi með yfir 50 prósenta lestur en hefur ekki náð slíkum hæðum síðan undir lok árs 2015.
Samhliða minnkandi lestri hefur verið viðvarandi tap á rekstri útgáfufélagsins. Torg tapaði árið 2021 var rúmar 252 milljónir, sem þó var talsvert betri afkoma en árið áður, þegar tapið nam 600 milljónum.
Næst óvinsælast er að moka snjóinnn frá inngangi hússins.
Einnig er síður vinsælt að líta eftir sorptunnunum þó flestir láti sig nú hafa það.
Þau ykkar sem ekki fengu þessi blöð í sín fjölbýlishús mega vera fegin að hafa ekki fengið þettat rusl í sameignina ykkar og það sem fylgir því á hverjum einasta aðalfundi húsfélagsins að skammast sé yfir hversu illa fólk stendur sig að þrífa þetta upp og koma blaðaruslinu í rétta sorptunnu.
Sumir láta þetta nefnilega bara fara í gráu tunnuna. Sorphirðan svarar síðan með því að neita að hirða sorpið nema að íbúar hússins taki allt sorpið sitt upp úr tunnunum og flokki það rétt.
Þú getur rétt ímyndað þér hversu vinsælt það er, að banka uppá hjá öllum íbúum og spyrja hvort þau hafi sett pappírsruslið í gráu tunnuna. Flestir berhentir að fiska hvern úldinn ruslapokann á fætur öðrum upp úr tunnunum, með hálsinn og höfuðuðið sveigt frá óþefnum, anda djúpt inn og stinga sér síðan ofan í tunnuna eftir öðrum ýldupoka.