Fyrri aukaspurning:
Hvað heitir konan sem þarna stillir sér upp með þáverandi eiginmanni?
***
Aðalspurningar:
1. Á þessum degi árið 1901 fékk hugvitsmaður einn fyrsta loftskeytið sem sent var yfir Atlantshafið með búnaði sem hann hafði smíðað. Hvað hét hugvitsmaður þessi?
2. Hann eða öllu heldur búnaður hans komu við sögu þegar óvæntur atburður varð á Íslandi árið 1905. Fjöldi manna af tiltekinni stétt krafðist þess þá að lögð yrði áhersla á loftskeytabúnað þessa tiltekna hugvitsmanns, en ekki símann. Af hvaða stétt voru mótmælendur?
3. Á þessum degi árið 1939 beið Rauði herinn sovéski fyrsta ósigur sinn í síðari heimsstyrjöldinni þegar hann var gersigraður í mikilli orrustu þrátt fyrir að hafa fjórfalt meira lið en andstæðingurinn. Rauði herinn missti allt að 5.000 manns og álíka margir særðust en andstæðingurinn missti 100 manns. Hver var þessi skeinuhættu andstæðingur?
4. Á þessum degi árið 2012 sendi tiltekið ríki sinn fyrsta gervihnött út í geiminn, reyndar við heilmikil mótmæli flestra annarra þjóða. Gervihnötturinn var á sporbraut um Jörðu í nokkra daga að minnsta kosti. Hann var nefndur Gwangmyeongseong-3 ho 2-hogi, en hvaða ríki sendi hann út í geim?
5. London — Amsterdam — Berlín — Prag — Varsjá. Þessar fimm höfuðborgir í Evrópu eru allar á svipaðri breiddargráðu. Og þó! Ein þeirra er sýnu sunnar á landakortinu en hinar fjórar. Hvaða borg er það?
6. Farsí er útbreitt tungumál. Oftast er þó notað annað orð um tungumál þetta, það er að segja ... hvað?
7. Í dag á afmæli íslenskur kvikmyndaleikstjóri sem sló fyrst í gegn árið 2003 þegar hann sendi frá sér mynd um ungan pilt sem bjó í afskekktum firði og var ekki nema í miðlungs góðum tengslum við umhverfi sitt. Leikstjórinn hefur síðan gert myndir eins og Voksne mennesker í Danmörk, The Good Heart á ensku og Fúsa hér á Íslandi. Og hann leikstýrði tveim þáttum úr síðustu seríu Borgen. Hvað heitir þessi leikstjóri?
8. En hvað hét myndin frá 2003 um unga „skrýtna“ piltinn sem Tómas Lemarquis lék eftirminnilega?
9. Á þessum degi árið 1915 fæddist söngvari vestur í Bandaríkjunum sem einna frægastur var fyrir að syngja lagið My Way. Og hann hét ... hvað?
10. Þann 12. desember 1947 unnu björgunarmenn mikið afrek þegar þeir björguðu 12 manns úr strönduðum breska togara undir bjargi einu miklu í aftakaveðri. Hvaða bjarg var það?
***
Seinni aukaspurning:
Karlinn á myndinni dó á þessum degi fyrir tveim árum. Hann var rithöfundur. Hvað kallaði hann sig? — Svo er lárviðarstig í boði fyrir þá sem vita hvað hann hét í raun og veru!
***
Svör við aðalspurningum:
1. Marconi.
2. Bændur.
3. Finnar.
4. Norður-Kórea.
5. Prag er langsyðst af borgunum fimm.
6. Persneska.
7. Dagur Kári.
8. Nói albinói
9. Frank Sinatra.
10. Látrabjarg.
***
Svör við aukaspurningum:
Á efri myndinni er Tina Turner.
Á neðri myndinni er John Le Carré — hann hét réttu nafni David Cornwell.
Spurningaþrautin
Fyrri grein
960. spurningarþraut: Spreytið ykkur á sjálfsmyndum frægra listamanna!
Næsta grein
Athugasemdir