Fyrri aukaspurning:

Hvað heitir þessi fréttakona hér að ofan?

***

Aðalspurningar:

1.  Jóhanna María Sigmundsdóttir er yngst allra sem hefur verið kjörin á Alþingi Íslendinga. Það gerðist árið 2013 þegar hún var kosin fyrir ... hvaða flokk?

2.  En hve gömul var Jóhanna María þá?

3.  Í fyrra varð Gunnhildur Fríða Hallgrímsdóttir hins vegar yngst allra sem setið hafa á þingi þegar hún sat þar um hríð sem varamaður. Hún var þá aðeins 19 ára. En fyrir flokk er hún varamaður?

4.  Hvað heitir stærsta borgin í Massachusetts ríki í Bandaríkjunum?

5.  Hvað eru sigma, tau og upsilon?

6.  Kvikmyndin Á hverfanda hveli eða Gone With the Wind gerist í og eftir ákveðna styrjöld. Hvaða styrjöld er það?

7.  Hvað heitir höfuðborg Norður-Írlands?

8.  Hvað hét þekktasta húsfreyjan á Bergþórshvoli? Skírnarnafn dugar.

9.  Af hvaða ætt- eða kynstofni er Bilbo Baggins?

10.  Hvað heitir heiðin milli Þingvallavatns og Laugarvatns þar sem nú er greiðfær akvegur?

***

Seinni aukaspurning (og þessi er frekar erfið, já):

Hvað heitir karlinn til hægri á myndinni?

***

Svör við aðalspurningum:

1.  Framsóknarflokkinn.

2.  21.

3.  Pírata.

4.  Boston.

5.  Stafir í gríska stafrófinu.

6.  Borgarastríðið í Bandaríkjunum.

7.  Belfast.

8.  Bergþóra.

9.  Hann var hobbiti.

10.  Lyngdalsheiði.

***

Svör við aukaspurningum:

Á efri myndinni er Sunna Valgerðardóttir.

Á neðri myndinni er Búkharín til hægri.