Sergei Roldugin er aðeins einn af fjöl­mörgum Rússum sem beittir eru þving­unum vegna tengsla sinna við Vladimir Pútín Rúss­lands­for­seta. Þar á meðal er Alisher Usmanov, sem tal­inn er eiga eignir upp á jafn­virði 2.361 millj­arð íslenskra króna. Hann stýrir gríð­ar­stóru fyr­ir­tæki, USM Holdings, sem á fyr­ir­tæki í námu­greftri og síma­fé­lög, svo sem MegaFon, næst­stærsta síma­fé­lag Rúss­lands. Hann hefur hafnað öllum ásök­unum um óeðli­leg tengsl við Pútín og sagt þving­un­ar­að­gerðir gegn sér ósann­gjarnar. 

Athygli vakti svo þegar bæði Bretland og Evr­ópu­sam­bandið settu Roman Abramovich á þving­un­ar­lista. Eignir hans eru metnar á jafn­virði 1.663 millj­arða króna. Hann er þekkt­astur fyrir eign­ar­hald sitt á enska fót­boltalið­inu Chelsea FC í Lundúnum. Á und­an­förnum árum hefur hann dælt jafn­virði millj­arða króna inn í félagið og gert það að miklu veldi í alþjóð­legum fót­bolta. Fót­boltaliðið er meðal þeirra eigna sem hafa verið frystar og er óljóst um afdrif þess. Stuttu áður en eign­irnar voru frystar til­kynnti …