Fyrri aukaspurning:

Hvað heitir persónan hér að ofan? Nauðsynlegt er að hafa bæði skírnar- og ættarnafn rétt.

***

Aðalspurningar:

1.  Í Moldovu er talað tungumál sem er náskylt og stundum talið málýska annars tungumáls. Hvaða tungumál er það?

2.  Soho er nafn á hverfum í tveim vestrænum stórborgum. Nefnið borgirnar báðar.

3.  Hvaða tegund hænsnfugla verpir villt á Íslandi?

4.  En hvaða fugl verpir í laup?

5.  Hvað heitir sú höll í norrænni goðafræði þar sem vopnbitnir menn sitja við eilífan gleðskap?

6.  Hver eru hin fimm hefðbundnu skilningarvit mannsins? 

7.  En hver lék aftur á móti aðalhlutverkið í kvikmyndinni Sjötta skilningarvitið, eða Sixth Sense frá 1999?

8.  Að hvaða óvæntu staðreynd komust áhorfendur í lok þeirrar myndar um persónuna sem aðalleikarinn lék?

9.  Vigdís Hauksdóttir situr í borgarstjórn Reykjavíkur fyrir ... hvaða flokk?

10.  „... ég segi alltaf færri og færri orð, / enda hafði ég lengi á þeim illan bifur. / Tign mannsins segja þeir / þó þeir geri sér ekki ljóst að orð eru dýr / né með hverju þeir geti borgað.“ Hver orti svo?

***

Seinni aukaspurning:

Bíllinn hér að neðan „lék“ í þremur bíómyndum á áttunni, það er að segja níunda áratugnum. Hvað nefndust þær bíómyndir einu nafni?

***

Svör við aðalspurningum:

1.  Rúmenska.

2.  London og New York.

3.  Rjúpan.

4.  Hrafninn.

5.  Valhöll.

6.  Snerting, bragð, lykt, sjón, heyrn.

7.  Bruce Willis.

8.  Að hann var búinn að vera dauður alla myndina.

9.  Miðflokkinn.

10.  Sigfús Daðason.

***

Svör við aukaspurningum:

Á efri myndinni er Wilma Flintstone.

Bíllinn á neðri myndinni kom við sögu í myndunum Back to the Future.